“Alli runacunami ichanga alli pachacho tiyanga. Chayllachömi imaycamapis goyäconga” (Salmo 37:29).

¿Runacuna imano cawanantataj Dios munan?

• Génesis 1:28

  Diosga munargan runacuna cay pachata paraisuman ticrachinanta y animalcunata cuidanampajmi.

• Isaías 46:9-11; 55:11

  Dios munashgantaga ruracächengami, y manami imapis michangachu.

“Cay pachacho juchallancho caycajcunami ichanga dyablupa maquincho carcaycan” (1 Juan 5:19).

¿Pitaj cay pachata gobernaycan?

• Juan 12:31

  Satanás cay pachata gobernaycangantami Jesús nishga.

• Santiago 1:13-15

  Satanasga Diospa cajtami munapargan.

• Génesis 2:17; 3:1-6

  Satanasga Evata engañarirgan. Adanwan Evaga manami Diosta casucärirganchu y tiempuwanga wañupäcurgan o wanuyargan.

• Romanos 3:23; 5:12

  Lapanchega wanunchi, Adanpa juchanraycurmi.

• 2 Corintios 4:3, 4

  Satanasga runacunatami engañaycan.

“Munashayquita [...] cay pachachöpis gam munashayquino caycullächun” (Mateo 6:10).

¿Imataraj ruranga Jehová chayta cumplinampa?

• Daniel 2:44

  Diospa Gobiernunlanami chay wichanga canga.

• Apocalipsis 16:14-16

  Mana alicunatami Armagedón guerracho Dios ushacächenga.

• Isaías 9:6, 7

  Jehovami acrashga Jesusta cielupita gobernamananchïpaj.

“Chaura gamga alli cashpayquimi sacsananyaj tarichinqui llapan cawajcunata” (Salmo 145:16).

¿Imataraj Diospa gobiernun noganchipaj ruranga?

• Salmo 46:9

  Guerracuna y imayca mana alicunaga ilacangami.

• Isaías 32:18; 65:21-24

  Paraisuchoga lapanchimi jauca jaucala goyäshun y huertayoj cuyaylapa wasinchitami sharcachishun.

• Salmo 72:16

  Lapancunapämi micuy canga.

• Isaías 11:6-9

  Chucaru animalcunapis manshuyangami junto goyänapaj.

• Isaías 33:24; Hechos 24:15

  Manami pipis gueshyaycä nengapänachu, y wanushgacunapis sharcamungami.