“Llapan runacuna [Gobiernuyquicho] gam munashayquino cawaycullächun. Syëlucho munashayquita rurashanno cay pachachöpis gam munashayquino caycullächun” (Mateo 6:​9-​13).

¿Imataj Diospa Gobiernun?

• Apocalipsis 11:15

  Diospa Gobiernunga cielupita gobernamashun.

• 1 Timoteo 6:15

  Jesusmi Diospa Gobiernuncho acrashga Rey.

• Apocalipsis 14:1, 4

  144.000 runacunami Jesuswan cielupita gobernamashun.

• Hebreos 4:​15; 5:8

  Jesuswan gobernamojcunaga, nacanganchita o imaycapa pasashganchitapis musyanmi.

“Pobricunatapis rispitacachenga” (Isaías 11:4).

¿Imanirtaj ninchi Jesusga Diospa gobiernuncho juc ali mandacoj canganta?

• 1 Timoteo 6:16

  Autoridayoj runacunaga lapanmi wanur ushacan. Pero Jesusga manami imaypis wanungapächu. Chaymi noganchiraycur alicunata rurashgan, imaycamasi cangapaj.

• Isaías 11:2-4

  Autoridayoj runacunapitapis Jesuslami imayca alicunata gomashun. Paylami pï gobernanticunapitapis más poderniyoj. Jina alita ruraj y cuyapäcojmi.

“Tayta Diosga juc rayta yurichengapaj. Chay ray mandashantaga manami pipis binsengapänachu” (Daniel 2:44).

¿Diospa gobiernunga imataj rurashgana? ¿Shamoj tiempucho imataraj ruranga?

• Apocalipsis 12:7-12

  1914 watacho Jesús Reyman ticrashgan wichanmi, Satanasta wicaparamurgan cay Pachaman. Chaymi alapa nacanchi.

• Eclesiastés 8:9; Apocalipsis 16:16

  Armagedón guerrachomi, Diospa Gobiernunga runacunapa lapan gobiernuncunata ushacarachenga.

• Salmo 37:10

  Fiyu o juyu runacunatapis Diosga ushacächengami.

• Apocalipsis 22:1-3

  Diospa gobiernun wichanchoga, cay Pachacho runacuna manana gueshyanganachu, wanunganachu y Diospa jutinta imaypis respetapäconga.