“Llapan imatapis gammi camashcanqui” (Apocalipsis 4:11).

¿Imatataj Biblia wilacun Diospita?

• Apocalipsis 15:3

  Paylami pipitapis más poderoso. Paynoga manami pipis canchu.

• Salmo 90:2

  Imaypitapis imaycamayajmi cawan.

• Mateo 6:9

  Diosga Taytalanchimi. Ali cananchitami munan.

• Hechos 17:27

  Amigunchi caytapis munanmi.

“[Jehová] jutiwanmi imaycamapis rejsimanga” (Éxodo 3:15, cay texto yurimushgan paginapa ura cuchunninta ricäriy).

¿Imanirtaj alapa importante Diospa jutinga?

• Salmo 83:18 *

  Diosga wilamanchimi jutin Jehová canganta. Tayta Dios y Señorga manami jutincunachu. Autoridacunata alcalde o presidente ninchi, chaynolami. Jehovaga munanmi jutinta utilizanayquita.

• Éxodo 3:14

  Jutinga “Quiquëmi cä y lapanta ruracächej” ninanmi. Jehovami camashga o rurashga lapan imaycacunatapis. Chaymi payga lapan nishganta cumplinga y munaynintapis ruracächenga.

“Diosga cuyacojmi” (1 Juan 4:8).

¿Imanotaj Dios ricachimanchi cuyamanganchita?

• Éxodo 34:6; Salmo 37:28

  Payga cuyapäcoj, ali shongu y jucla imapitapis mana rabiacojmi. Rasun cajta y ali cajtaga cuyanmi.

• Salmo 86:5

  Listumi caycan perdunamananchïpaj.

• Apocalipsis 15:4

  Manami jaguicojchu.

“Cuyaycäshuptiquega ima yarpachacuyniquicunatapis paypa maquinman churaycuy” (1 Pedro 5:7).

¿Imanirtaj seguro canquiman gampaj Dios yarpachacungampita?

• Salmo 37:9-11

  Payga awnimanchi lapan nacaycunata y imayca problemacunata ushacächinampaj cajtami.

• Santiago 4:8

  Jehovaga munanmi amigun canayquita.

• Juan 17:3

  Diospita más yachacuptiquega, masmi payta cuyanqui.