“Destinädu Runano [...] shamushcä. Wañuchimaptin bïdäwanmi pägashaj aypallata salbanäpaj” (Mateo 20:28).

¿Salvaciuntaga imanirtaj necesitanchi?

• Génesis 3:17-19

  Adán mana wiyacoj cashpanmi Jehovapa cuyacuyninta ogrash, juchaynaj cashgantapis. Chaypitanami Paraisupita Dios gargushga.

• Romanos 5:12

  Adanpa juchanraycurmi juchasapa capäcunchi y wanunchi.

• Efesios 1:7

  Salvaciunga Jehovapa jatun cuyacuyninmi, chaymi wanuypita y juchapita librashga canchi.

“Japallan Wamranta cay pachaman cachamusha. Noganchi-raycu shamurmi payga mana ushacaj cawayta tarichimashcanchi” (1 Juan 4:9).

¿Imatataj Jehová rurashga salvamananchipäga?

• Salmo 49:7, 8

  Adán juchaynaj cawayta ograshgantaga manami ni pï runapis pagayta puedinmanchu.

• Lucas 1:35

  Cuyashga Wamrantami Jehová cachamurgan cay Pachaman juc runano yurimunampa.

• Romanos 3:23, 24; Hebreos 9:24

  Jesús cawarimurmi cielupa cuticushga y Taytampa naupanman chayash, wanuyninwanmi ricächishga maychicaj runacuna salvacuyta puedipäcunganta.

“Wagay manami canganachu. Wañuy manami canganachu” (Apocalipsis 21:4).

¿Imanotaj yanapamanchi Jesuspa wanuyninga?

• 1 Juan 1:8, 9

  Juchanchicunapita perdunamashcanchi.

• Hebreos 9:13, 14

  Diospa ricayninchomi ali cayta puedipäcunchi.

• Romanos 6:23

  Imaycamayajpis cawayta puedishunmi.

• Gálatas 2:​20

  Jesuspa wanuyninga ricächimanchi Jehovawan Jesús alapa cuyapamashganchita.

“Tayta Diosga [...] japallan cuyay wamranta cachamuran Payman pipis yäracoj cäga mana wañunanpaj” (Juan 3:16).

¿Dios salvamashganchitaga imanotaj agradecicushwan?

• Juan 17:3

  Jehovapita y Jesuspita yachacuy y paycuna munashgannola caway.

• Lucas 22:19

  Jesús Wanunganta yarpänapaj reuniunman cada wata aywapäcuy.

• Juan 3:36; Santiago 2:26

  Jesusmanga yaracunquimanmi, pero chaypitapis masga pay yachachicushgannola caway.