Imataj yachachicuyta munanqui. Yarpachacuy yachachicuyniquiwan imata lograyta munanqui, capaz canman shacyächinayquipaj, imapitapis convencido caycänanpaj o musyanalanpaj. Más alinnin caj yachachicuycunata shumaj tantiachicurga, wiyaycajcuna ali tantiangapaj.

Imapita parlashgayquita niriy. Discursuyquicho cutin cutin ricächicunayqui imapita parlashgayquita, chaypäga importante caj palabracunata yaparir yaparir ninayqui o jucnopapis tantiachicunquiman.

Importante yachachicuycunata shumaj tantiachicuy. Lapan yachachicunayquipaj cajpita más preciso cajlata acray y tiempulanchomi shumaj tantiachinayqui. Lapancunapitaraj yachachicunayquipaj trucan, juc ishcaylata acraycur ali tantiachicuy. Y juc caj yachachicuyman manaraj pasarga ichicla jamaycunquimanraj.