Ima ruranayquipaj cumplinayquipäga, manami “cayta o wacta munä” nirlachu cacunquiman. Chaypa trucanga shumaj yarpachacurcur camacächiy imano ruranayquipaj y esfuerzacuy cumplinayquipaj.

Munashganchicunata logranapäga, capaz canman walca tiempulacho o achca tiempuwanrämi. Imano captinpis ima rurayniquicunata cumplinayquipäga, ichic ichiclapitami canga.

Munashgayquicunata cumplishpayquiga cushichishunqui y calpata goshunqui mastaraj ruranayquipaj. Nircur waquincunawanpis ali apanacärinqui.

Rurayniquicunata ali cumplinqui. Ichic ichiclapa rurayniquicunata shumaj ruraptiquiga, yanapäshunqui más jatun ruraycunata mana manchacunayquipaj. Waquincuna mana ali ruranayquipaj nishuptiquipis mana casupanquichu.

Ali amigucunata tarinqui. Lapanchipis munanchi ali tantiaj amigucunawan y yanapacoj runacunawan goturänapaj. Jucninwan jucninwan ali yanapänacur maqui maqui arurmi imatapis rasla usharinchi y más ali amigucunaman ticrapäcunchi.

Más cushishga canqui. Munashgayquita cumplirga, cushishga sienticunqui.

Juc mozo nin: “Metäcuna captinga, alimi sienticö, alapami calpachacö shumaj cumplinäpaj. Ruranäpaj cajta ushariptëga cushicömi, y juctana rurayta munä”.

BIBLIAGA NIN: “Wayrata ricapäcorga mana murupacongachu. Pucutay juntashalla cacojta ricapäcojpis manami cosëchanta shuntangachu” (Eclesiastés 11:4, Tayta Diosninchi Isquirbichishan).

Caycunata ruray imata ruranayquipaj cajta cumplinayquipaj.

Ima ruranayquipaj acrarcuy. Imacunata ruranayquipaj anotarcuy juc papelcho, nircur jucnin jucninta imano ruranayquipaj camacächiy.

Imano ruranayquipaj yarparcuy. Caycunata ruray:

• Imay junajcho ushanayquipaj anotarcuy.

• Imano ruranayquipaj escribiy.

• Yarpachacuy imata ruranayquipaj imalapis pasarcuptin.

Jucla galaycuy. Ama shuyaraychu lapancunaraj listo cananpaj galaycunayquipaj, chaypa trucanga imalawanpis galaycunayquipaj yarpachacuy y jucla ruray. Nircur ricapanqui imacunata pishiycan ruranayquipaj.

BIBLIAGA NIN: “Imatapis shumaq yarpachakurkur ruraptinqa alimi kanqa” (Proverbios 21:5).