Arucoj runaga manami guelananchu arunanpaj, aruyta yachanmi. Nircur waquincunatapis yanapänanpaj listumi caycan, ganas ganasla arun ima trabajuchopis.

Caway vidachoga imayca ruraycunami caycan, achca runacuna guelanacun sasa aruycunacho arupäcunanpaj. Pero aroj runa captiquiga rasla trabajutapis tariyta puedinqui (Eclesiastés 3:13).

Juc mozo nin: “Alapa arucuptïraj, cushishga cawä, chaymi aruyta gustaman. Ali arucoj captiquiga, waquin runacunapis ali ricashunquipaj”.

BIBLIAGA NIN: “Arukuq runapaqa imaykanpis kanmi” (Proverbios 14:23).

Gatejnin caj consejucunaga yanapäshunquimi ganas ganasla arunayquipaj.

Imatapis ali ruranayquipaj yachacuy. Wasiquicho imalachopis yanapacuycarga, escuelapa tareacunata ruraycarga o aruycarpis, ama juccunaman yarpacuychu, sinoga ruraycashgayquilaman yarpay. Ima ruraytapis yacharga, más ali y jucla ruranayquipaj calpachacuy, chaynomi más cushishga sienticunqui.

BIBLIAGA NIN: “Ima aruytapis yachaj bïbu runaga raypa palasyunchörämi aronga. Manami manacaj runacunapa munayninchöchu canga” (Proverbios 22:29, Tayta Diosninchi Isquirbichishan).

Waquincunaman yarpachacuy. Ruranayquipaj cajcunata ali cumpliptiquiga, waquincunata yanapaycanqui. Tantiarinapaj, wasiquicho caycaj ruraycunawan yanaparcuptiquiga, taytayquicuna cushicunga.

BIBLIAGA NIN: “Imatapis chaskir kushikushqantsipitapis mas kushikuypaqmi kaykan pitapis yanapashqantsi” (Hechos 20:35).

Lapan puedishgayquita ruray. Nishushgayquilata ama ruraychu, sinoga mastapis rurayta puedinquimanmi. Ama shuyaraychu jucraj mandashunayquipaj, quiquiquipita caycan ima ruranayquipaj cajtapis (Mateo 5:41).

BIBLIAGA NIN: “Kikikiraqmi ninkiman yanapamänanpaq o mana yanapamänanpaqpis” (Filemón 14).

Mana jamaypa arunquimanchu. Aroj runa canayquipäga, manami ninanchu mana jamaypa arunayquipaj. Chaypa trucanga arushganchipita jamaparcushun.

BIBLIAGA NIN: “Mana jamaypa arunantsipa trukanqa walkalata gänarpis jamashqantsimi mas ali kaykan. Mana jamaypa arurqa wayrata tsariyta munaqnömi kaykantsi” (Eclesiastés 4:6, TDI).