Bibliata leiptinchega ali canman waquin publicaciuncunacho maslata ashinapaj shumaj tantiarcunapaj. Ichanga chaytaga rurashwanchu waquincunapita masraj musyayta munarlachu. Chaypa trucan shumaj yachacunanchi Jehová imano cashganta, chayta rurar payta masraj cuyashunmi. Chaypäga cayno tapucunayqui: “¿Cay textuga imataj yachachiman Jehovapita?”.

Yachacunayquipaj caycan imano Jehová amatar cuyacoj, alapa yachaj, alita ruraj y poderyoj cashganta. Ichanga Jehová imano cashganpita yachacunapäga imaycacunami caycan. ¿Maychotaj chay lapanpita yachacunquiman?

Índice de las publicaciones Watch Tower nishgancho tarinqui 50 yachachicuycunano Jehová imano cashganpita. Chaypäga “Jehová” nishganman yaycuriy, nircur “Cualidades por nombre” cajcho. Chaura chaycho caycajcunata leishgayquiwan maygan tincuycashganta acranayqui leinayquipaj (ichanga Guía de estudio para los testigos de Jehová cajchoga “Jehová” nishganman ayway y nircur “Cualidades de Jehová” cajcho).