¿Yarpanquichu guepa quillacunacho Wilacamoj revistacho ima leishgayquita? Mä musyanapaj cay tapucuycuna caycan:

¿Ima ninantaj jucnona yarpänapaj? (Rom. 12:2).

Manami ninanchu juc ishcay ali ruraycunalata ruranapaj cawayninchi ali cananpaj. Chaypa trucanga, shongunchicho y yarpayninchicho imano cashganchita ricacunanchi, nircur cambiucunata rurashwan Jehová munashganno cawacunapaj (w23.01, 8 y 9 paginacuna).

Munducho pasaycashganpita parlar, ¿imapitaj cuidacunanchi?

Munducho ima pasaycashganta ricar musyanchi profeciacuna imano cumplicuycashganta. Pero quiquinchipa yarpayninchipita parlayta munanchichu hermanucunata mana raquicächinapaj. Lapan ima nishganchicuna Jehovapa marcan tantiachicushganno canman (1 Cor. 1:10) (w23.02, 16 caj página).

¿Ima nishwantaj Jesuspa bautismunpita y gatirajnincunapitapis?

Jesusga manami dedicacurganchu Jehovaman, Israelga Diospa acrashga marcan cargan. Juchancunapita manami arrepenticurganchu, juchaynaj captin conciencianpis limpio caycargan (w23.03, 5 caj página).

¿Imataraj rurashwan waquin hermanucunapis comentamunanpaj?

Comentariunchicuna tacshala captenga tiempo cangami waquincunapis comentamunanpaj. Jina manami imaycapitaraj parlashwanchu waquincuna maslata parlacaramunanpaj (w23.04, 23 caj página).

Isaías 35:8 nishganno, ¿imataj sagrado näniga?

Judiucunapäga chay sagrado näni cashga Babiloniapita Jerusalenman alila chayashganmi. Canan wichanpis, 1919 watapita más unaypitanami, Jehovaga ali shongu runacunatami utilizargan chay sagrado nänita camacächinanpaj, chaypäga Bibliata imprimirgan y traducirganpis. Sagrado nänicho purejcunaga juc shongunola cawapäcun y shamoj tiempucho imayca bendiciuncunatami chasquinga (w23.05, 15 a 19 paginacuna).

¿Ima clase warmicunapitataj parlaycämun Proverbios 9 caj capitulucho?

Proverbios wilacun “mana tantiyakuq” warmita chasquipacojcunaga wanuymanmi chayan. “Tantiyakuq” warmi nishganta chasquipacojcuna ichanga yachajman ticraycur rasunpa cushishga cawapäcun (Prov. 9:1, 6, 13, 18) (w23.06, 22 a 24 paginacuna).

¿Imanotaj Jehová ricächicurgan humilde y ali shongu cashganta Lotwan?

Sodoma marcata ushacächinanpaj yarpar, Jehovaga Lot-ta nergan jircapa gueshpir aywacärinanpaj, pero Lotga manchacurchi Zóar marcapa aywacärinanpaj ruwacurgan. Diosninchega ninmanchi cargan upälala cäsucunanpaj, pero mañacushganta wiyarganmi y jaguirgan chaypa aywananpaj (w23.07, 21 caj página).

¿Imataj warmi caj ruranman runan pornografiata ricaptin?

Payga culpayoj ricacunmanchu. Sinoga calpachacunmanmi Jehovawam amistäninta más sinchiyächinanpaj y yarpachacunmanpis unaycho imano Jehová sirvejnincunata yanapashganta. Runantapis yanapanman yapay mana ishquinanpaj (w23.08, 14 a 17 paginacuna).

¿Tantiacoj runa carga imataj rurashwan pipis creencianchicunapita tapupämaptinchi?

Yarpachacushwan imata munartaj tapupaycämanchi o imata yarpachacaycächishgantapis. Chayga yanapämäshun ali shimilapa contestanapaj (w23.09, 17 caj página).

¿Imataj yachacunchi María rurashganpita valurcharcunanpaj?

Mesiaspa maman cashganta yarpar waquincunapa yanapacuyninta ashirgan. Elizabeth y Gabrielpis Diospa Palabranwan shacyächirgan. Noganchitapis hermanunchicuna shacyächimanchimi (w23.10, 15 caj página).

¿Imanotaj Jehová mañacushganchicunata contestamanchi?

Payga mañacuyninchita wiyamanchi y munaynintaraj más puntaman churan manaraj contestamashpanchi (Jer. 29:12). Lapaninchita igual mana contestamaptinchipis, payga imaypis yanapämäshunmi (w23.11, 21 y 22 paginacuna).

Romanos 5:2 ima shuyaraycashganchipita parlaycaptinna, ¿imanirtaj 4 caj versiculucho chaypita yapay parlan?

Pipis Bibliacho ali wilacuycunata wiyarga capaz shuyacuycanmanna paraisucho cushish cawacunanpaj. Pero nacaycunapa pasar mana yamacäcuptenga, musyanmi Jehová ali ricananpaj y masraj munan ima shuyaraycashganta rasunpa cumplicunanpaj (w23.12, 12 y 13 paginacuna).