BIBLIANCHICHO Traducción del Nuevo Mundo nishgancho carrupita parlaptin, tucuy carrucunapita o carretapita parlaycämun (Hechos 8:28, 29, 38). Unay Etiopiapita runaga manami viajaycarganchu guerrapaj o carrerapaj rurashgan carrucho, sinoga carretanga más jatunmi cargan. Ricashun imanirtaj chayta ninchi.

Etiopiapita runaga alto carguyoj cargan y caruta viajaycargan. “Payqa Etiopía nacioncho reina Candacipa tesorërunmi karqan” (Hechos 8:27). Chay wichan Etiopía naciunga cargan canan wichan Sudán y Egiptupa sur caj läducho marcacuna. Chaura caruta viajaycar achca guepicunatachari apaycargan. Chay wichanpäga pipis caruta viajananpaj tucuy carrucuna o carretacunapis caycargan. Chaymi Bibliapita parlaj juc libro cayno nin: “Chay carretacunaga achca guepicunawan tranquilo caruta viajananpaj cargan” (Acts—An Exegetical Commentary).

Etiopiapita runa shumaj leicuycashganta Felipe ricargan. Biblia wilacun Etiopiapita runata Felipe taripaptin “mayarqan pröfeta Isaías qelqashqan libruta liyiykaqta” (Hechos 8:30). Runacunata apananpaj carretacunaga despaciula aywananpaj rurashga cargan, chaychi chay runaga jamaycur shumaj leicuycargan y Felipe guepanta corriycur taripargan.

Etiopiapita runaga Felipita ruwacurgan ‘carrëtanman witsarkur nawpanman jamakunanpaq’ (Hechos 8:31). Guerrapaj rurashgan carretachoga manejaj cajga ichishgalami aywanan cargan. Pero runacuna viajananpaj carretachoga shumaj jamacuycur viajapäcoj, chaymi chay runaga Felipita nergan carretanman wichänanpaj.

Chaura Hechos 8 caj capítulo nishganno, canan publicaciunninchicunacho yargamunnachu guerrapaj o carrerapaj carretacho Etiopiapita runa viajaycashganta, sinoga más jatun carretachomi.