Achca hermanucunami jw.org paginapa galanancho caycaj yachachicuycunawan yachachicärin. Facilmi caycan reguishgan cajcunata apachicunanpaj y canan wichan pasacuycashganpita Bibliapa profeciancuna cumplicuycashgantami tantiachicun. Juc waugui escribergan: “Cay yachachicuycunaga alapa alimi caycan canan wichan predicanapaj”.

Galanan paginacho cada cadalami tucuy temacuna yargamun, ¿imataj rurashwan juc yachachicuyta tarinapaj chaycho mana caycaptinna?

• Galanan jw.org paginacho caycaptiquega, lapiriy “Masta ricäriy”, chayga yurimoj temacunapa umancho caycan. Celularcunacho ichanga cayga caycan “Gampäno” nishgan temacunapita urancho. Chaychoga “Chaylaraj yargamushgan temacuna, paginanchipa galanancho yurimushgan” yachachicuycunata tarinqui.

• Chaypitapis jw.org paginacho o JW Library^® aplicaciuncho “Imayca charashganchicuna” nishganta lapiriy, nircur “Imayca yachachicuycuna” nejta ashiy. Ultimuga, lapiriy “Yachacunapaj caycanraj” cajcho. Chaychomi tarinqui galanancho yargamushgan achca temacunata.