Chay puncuga Santo nishganman yaycunapämi cargan. Y, ¿aycataj midirgan? 2023 wata manaraj chayamushgan wichan Traducción del Nuevo Mundo Bibliacho 2 Crónicas 3:4 textuga cayta nergan: “Templupa anchun y yaycunan caj puncupa anchun 20 codos midirgan y yaycunan caj puncupa altun 120 codos midirgan”. Waquin Bibliacunapis chayno midishgalantami wilacun. ¡Chauraga chay templupa yaycunan caj puncupa altun midirgan 53 metrucunayoj!

Y 2023 wata wichanpita, Traducción del Nuevo Mundo Biblia chay textucho caynona nin: “Puncupa altun midirgan 20 codos, chayga ninan isgun metrucunayoj”. a Canan ricärishun imanir chayno trucachishganta.

Punta caj Reyes librucho, manami wilacunchu templupa yaycunan caj puncunpa altun ayca midishganta. 1 Reyes 6:3 textucho Jeremías wilacun chay puncupa anchun y largunpis ayca midishganta, pero altun ayca midishganta mana wilacunchu. Y gatejnin caj capitulucho wilacun, templucho imacuna caycashganpita; broncipita jatuncaray lavatorio, chunca carretacuna y templupa puncuncho caycaj broncipita ishcay jatun columnacunapis (1 Rey. 7:15-37). Chauraga yaycunan caj puncupa altun 50 metruspitapis más midiptenga, templupa más altuchi ricacanman cargan. Chayno carga, ¿imanirtaj profeta Jeremías chaypita wilacushgachu? Achca watacuna pasaptin, waquin estudioso judiucuna wilacurgan Salomonpa templun yaycunan caj puncu lapanpita más alto mana cashganta.

Waquin yachaj runacuna nipäcun chay yaycunan caj puncupa altunnin 50 metruspita más midishga captenga, pasaypa lasaptin pergancuna mana aguantanmanchu cargan. Unayga rumipita y ladrillupita wasita rurapäcoj, Egiptupa templun yaycunan caj puncutapis anchupa pergaytashi galaycoj y nircur llanuypashi chay pergata ushapäcoj. Pero Salomonpa templunga manami chaynochu sharcachishga cargan. Waquin yachaj runacunaga nipäcun, Salomonpa templun 2,7 metrucunayoj pergancuna midishganta. Theodor Busink arquitecto runa cayno nin: “Chay templupa pergancuna chayno midiptenga, yaycunan caj puncupa altunnin 50 metrucunapitapis más manami midinmanchu cargan”.

Bibliapita copiajcuna pantacushgachi 2 Crónicas 3:4 textuta escribir. Bibliapa unay caj copiacunaga chay textucho nin “120 codos”, y waquin copiacunachopis nin “20 codos” cashganta, Códice alejandrino (del siglo quinto) y el Códice jambrosiano (del siglo sexto). ¿Imanirtaj Bibliata copiajcuna pantargan 120 codos nishganta escribir? Hebreo rimaycho cien y codo palabracunaga casi igualmi ricacan, chaychi runacuna copiata rurar “20 codos” escribinanpaj trucan “120 codos” nir escribirgan.

Salomonpa templun yaycunan caj puncupa altunnin ayca midishganta yachacurpis, más importante caycan canan wichan chay templo imata representashganta. ¡Jehovata imano adurashganchita yachacurga cushichimanchimi, payga lapan siervuncunata invitaycämanchi payta adurananchipaj! (Heb. 9:11-14; Apoc. 3:12; 7:9-17).