Taytacunaga wamrancunatami Jehovapita yachachinman, chaytami payga munan (Efes. 6:4). Chaymi Jehovapa marcanga imayca yachachicuycunatami jorgaycämun taytacunata yanapänanpaj. ¿Ima yanapacuycunataj caycan?

• Yachachicuycunata ashiy. Caytaga tarinqui jw.org paginacho, chaychomi caycan videucuna, imayca yachachicuycuna y lapan jorgacämushgancuna wamracunapaj y jovincunapaj. a Chaycunata jorgunayquipaj “Enseñanzas bíblicas” nishganman yaycuy, nircur “Niños” o “Jóvenes” cajcho lapiriy.

• Maygan yachachicuylatapis acraycuy. Imayca yachachicuycuna caycan “Niños” nishgancho wamracunapaj, chaymi mayganlatapis acranayqui. Chaycunata tarinayquipaj yaycuy “Ideas para la adoración en familia” nishgancho.

• Wamrayquita parlapay. Chaypäga wamrayquita goycunquimanchu videucunata o yachachicuycunatapis chaycunata ricaräcular puclananpaj. Sinoga chaycunawan shumajla yachachiy Jehovapa amigunman ticrananpaj.