IMACUNAPITA YACHACUNAPAJ
Bibliata leirga yachacushgayquilawan contentacuychu
Yachacushgayqui hora, cayno ninquiman: “¿Imataj yachacuyta munä?” nir, alimi chayga. Lapan Jehová yachachimashganchicunataga ali shongulanchiwan listo caycashwan chasquinanchipaj. ¿Imanotaj chayta rurashwan?
Jehová tantiachishunayquipaj mañacuy. Ama yarpaychu ‘achcatanami noga yachä’ nir (Prov. 3:5, 6). Jehovata mañacuy pay munashganno mastaraj yachacunayquipaj (Sant. 1:5).
Dios munashganno cawacunayquipaj Bibliapita yachacuy. ‘Diospa palabran kawaqmi caycan’ (Heb. 4:12). Bibliata leirga yachacushganchilawanga contentacushwanchu, chaynopa mushoj yachachicuyta tarishun caway vidanchicho cäsucunapaj.
Ali yachacunayquipaj Jehová lapan camaripäshushgayquita agradëcicuy. Jehová lapan yachachimashganchicunaga ‘ali mikuynomi caycan’ (Is. 25:6). Chauraga Bibliapita yachacurga manami nishwanchu ‘waquin waquilanta yachacushaj’ nir. Sasa cajcunatapis yachacurga más ali cristianumi canqui y Bibliata leirpis cushishgala ricacunqui.