Wajun pregunta riʼ jalajoj kbʼan che ubʼixik. Weneʼ jun kuchomaj: «¿Jasche xojbʼanik?» o «¿Jasche oj kʼo waral?» Ri Biblia kukʼutu che rech kojkikot pa ri qakʼaslemal rajawaxik kojux rachiʼl ri Dios. Rech kqachʼobʼo, chqilaʼ ri kuya ubʼixik ri Biblia chrij wariʼ.

•   Are ri Dios xyaʼow ri qakʼaslemal. Ri Biblia kubʼij: «Ri areʼ Dios, are Areʼ xujbʼanowik e uj rech, uj ujwinaq» (Salmo 100:3, Ri Tyoxlaj Wuj; Apocalipsis 4:11).

•   Kʼo jun rumal che ri Dios xuya qakʼaslemal y xubʼan ronojel ri jastaq (Isaías 45:18).

•   Ri Dios xojubʼano rech kqachʼobʼo che kajwataj ri areʼ chqe, y jun chke are che kqachʼobʼo jasche xyaʼ qakʼaslemal (Mateo 5:3). Ri areʼ kraj che kqetaʼmaj wariʼ (Salmo 145:16).

•   Kqakʼutu che kajwataj ri Dios chqe chiʼ kqakoj qachuqʼabʼ che retaʼmaxik uwach ri Jehová y kojux rachiʼl, qonojel ri oj winaq kojkunik kqabʼan wariʼ. Ri Biblia kubʼij chqe: «Chixqebʼ rukʼ ri Dios ri areʼ xuqujeʼ kqebʼ na iwukʼ» (Santiago 4:8; 2:23).

•   Rech kojux rachiʼl ri Dios rajawaxik kqabʼan ri kraj. Ri Biblia kubʼij: «Ronojel bʼitajinaq chik. Nim bʼaʼ chawilaʼ wiʼ ri Dios cheʼatzʼaqatisaj taq kibʼanik ri e utaqomal» (Eclesiastés 12:13).

•   Are chiʼ ri Dios kresaj na ri kʼaxkʼolil, y kuya na jun kʼaslemal che kʼo ta ukʼisik chke ri rachiʼl che rukʼ sukʼilal xkipatanij, chilaʼ ktzʼaqat wi riʼ ri urayibʼal chke ri winaq (Salmo 37:10, 11).