Jeʼ kkunik. Ri Dios kel ukʼuʼx chke ri upatanelabʼ che keyawajik, rumal laʼ ri Biblia kutzujuj wariʼ: «Ri Ajawaxel kuyaʼ na uchuqʼabʼ cho ri chʼat are taq kyawajik» (Salmo 41:3). Kʼo oxibʼ jastaq che rajawaxik kqabʼano, we qariqom jun yabʼil che kʼo ta ukunabʼalil:

1.   Kqataʼ che ri Dios che kuya qachuqʼabʼ. «Are kʼu ri ujamaril ri Dios, ri nim na chuwach ronojel noʼj» kuya qachuqʼabʼ chuwach ri yabʼil y rech kkʼistaj ta qakʼuʼx (Filipenses 4:6, 7).

2.   Kkʼojiʼ jun utz qachomanik. Ri Biblia kubʼij: «Utzalaj kunabʼal ri animaʼaj kkikotik are kʼu ri animaʼaj kbʼisonik kuqʼip chuqʼabʼ» (Proverbios 17:22). Ri kikotemal kojutoʼ chuwach ri bʼis, xuqujeʼ kuya utzilal chqe.

3.   Ukowirisaxik ri qeyebʼal. Ri qeyebʼal kojutoʼo rech kqanaʼ kikotemal paneʼ kqariq jun yabʼilal (Romanos 12:12). Ri Biblia kutzujuj che kopan na jun qʼij che man kʼo ta jun chik kubʼij: «In yawabʼ» (Isaías 33:24). Ri Dios kusachisaj na uwach ri yabʼil che ri ciencia kowinaq taj resam y kresaj na ri rijobʼik. Ri Biblia kubʼij: «Kkʼastaj chi kʼu na ri rutzil uwach ri ucuerpo kux ta chi kʼu na jachaʼ ri xkʼojiʼ chupam ralkʼalal» (Job 33:25).

 Nota: Ri oj testigo rech Jehová kqakubʼsaj qakʼuʼx chrij ri tobʼanik che kuya ri Dios chqe (Marcos 2:17). Xuqujeʼ kqatzukuj utobʼanik jun ajkunanel are chiʼ kqariq jun yabʼil, rumal laʼ kqabʼij ta che jun chik jas kunabʼal kutijo. Chqajujunal kqachaʼ ubʼanik ri rajawaxik chqe.