Ri xutzʼibʼaj Mateo 1:1-25
1 Are waʼ ri wuj kchʼaw chrij ri ukʼaslemal* ri Jesucristo,* ralkʼwal ri David, ralkʼwal ri Abrahán.
2 Ri ukʼojol ri Abrahán are ri Isaac;ri ukʼojol ri Isaac are ri Jacob;ri ukʼojol ri Jacob are ri Judá y e kʼo chi nikʼaj ralkʼwaʼl;
3 ri e ukʼojol ri Judá are ri Pérez y ri Zérah (ri kinan are ri Tamar);ri ukʼojol ri Pérez are ri Hezrón;ri ukʼojol ri Hezrón are ri Ram;
4 ri ukʼojol ri Ram are ri Aminadab;ri ukʼojol ri Aminadab are ri Nahsón;ri ukʼojol ri Nahsón are ri Salmón;
5 ri ukʼojol ri Salmón are ri Boaz (ri unan are ri Rahab);ri ukʼojol ri Boaz are ri Obed (ri unan are ri Rut);ri ukʼojol ri Obed are ri Jesé;
6 ri ukʼojol ri Jesé are ri rey David.
Ri ukʼojol ri David are ri Salomón (ri unan are ri rixoqil kan ri Urías);
7 ri ukʼojol ri Salomón are ri Rehoboam;ri ukʼojol ri Rehoboam are ri Abías;ri ukʼojol ri Abías are ri Asá;
8 ri ukʼojol ri Asá are ri Jehosafat;ri ukʼojol ri Jehosafat are ri Jehoram;ri ukʼojol ri Jehoram are ri Uzías;
9 ri ukʼojol ri Uzías are ri Jotán;ri ukʼojol ri Jotán are ri Acaz;ri ukʼojol ri Acaz are ri Ezequías;
10 ri ukʼojol ri Ezequías are ri Manasés;ri ukʼojol ri Manasés are ri Amón;ri ukʼojol ri Amón are ri Josías;
11 ri ukʼojol ri Josías, pa ri tiempo are chiʼ xekʼam bʼi ri judíos pa Babilonia, are ri Jeconías y e kʼo chi nikʼaj ralkʼwal.
12 Are taq e kʼamom chi bʼi pa Babilonia, ri ukʼojol ri Jeconías are ri Sealtiel;ri ukʼojol ri Sealtiel are ri Zorobabel;
13 ri ukʼojol ri Zorobabel are ri Abiud;ri ukʼojol ri Abiud are ri Eliaquim;ri ukʼojol ri Eliaquim are ri Azor;
14 ri ukʼojol ri Azor are ri Sadoc;ri ukʼojol ri Sadoc are ri Aquim;ri ukʼojol ri Aquim are ri Eliud;
15 ri ukʼojol ri Eliud are ri Eleazar;ri ukʼojol ri Eleazar are ri Mattán;ri ukʼojol ri Mattán are ri Jacob;
16 ri ukʼojol ri Jacob are ri José, ri rachajil ri María, ri unan ri Jesús, ri kbʼix Cristo che.
17 Rumal riʼ, xekʼojiʼ 14 generaciones* kumaj lo* pa taq uqʼij ri Abrahán kʼa pa taq uqʼij ri David, xekʼojiʼ 14 generaciones kumaj lo pa taq uqʼij ri David kʼa pa taq ri qʼij are taq chiʼ xekʼam bʼi ri judíos pa Babilonia, y xekʼojiʼ 14 generaciones kumaj lo pa taq ri qʼij are taq chiʼ xekʼam bʼi ri judíos pa Babilonia kʼa pa taq uqʼij ri Cristo.
18 Are waʼ ri xbʼantajik rech xkʼojiʼ ri Jesucristo. Ri María, ri unan, uyaʼom chi utzij che ri José rech kkʼuliʼ rukʼ, pero are chiʼ majaʼ kekʼuliʼk xkanaj yawabʼ winaq rumal espíritu santo.*
19 Ri José, ri rachajil ri María, are jun utzalaj achi y kraj taj kresaj ukʼixbʼal ri María chkiwach konojel ri winaq. Xuchomaj kujach kanoq, pero kresaj ta utzijol.
20 Are taq chiʼ jeriʼ uchomam chik, ¡chiwilampeʼ!, xukʼut ribʼ ri u ángel ri Jehová* chuwach pa jun achikʼ y xbʼix che: «José, ralkʼwal ri David, kaxiʼj ta awibʼ kakʼam ri María che awixoqil, rumal che xkanaj yawabʼ winaq rumal espíritu santo.
21 Ri areʼ kkʼojiʼ na jun ral, y rajawaxik kakoj Jesús* che ri ubʼiʼ rumal che ri areʼ kresaj na ri utinamit pa ri makaj».
22 Xkʼulmataj ronojel wariʼ rech xbʼantaj ri ubʼim kan ri Jehová rumal ri u profeta, ri kubʼij:
23 «¡Chiwilampeʼ! Ri qʼapoj ali* kkanaj na yawabʼ winaq y kkʼojiʼ na jun ral, Emmanuel kkoj na che ri ubʼiʼ», kraj kubʼij «ri Dios kʼo qukʼ».
24 Are chiʼ ri José xkʼastajik, xubʼan ri xtaq wi rumal ri u ángel ri Jehová y xkʼuliʼ rukʼ ri María.
25 Pero xuchap ta na,* xreyeʼj na kʼa xkʼojiʼ ri alaj akʼal y Jesús xukoj che ubʼiʼ.
Notas
^ O «chkij ri ratiʼt umam».
^ O «Jesús ri Mesías». Ri títulos Cristo y Mesías kraj kubʼij: ‹Chaʼtalik›.
^ O «grupos winaq junam tiempo xekʼasiʼk».
^ O «kujeq lo».
^ O «ri u poder ri Dios».
^ Pa wajun versículo kriqitaj ri nabʼe mul ri ubʼiʼ ri Dios, Jehová. Pa ri Escrituras Griegas Cristianas re wajun Biblia kʼo 237 mul chupam.
^ Wajun bʼiʼaj pa hebreo kbʼix Jesúa o Josué che, kraj kubʼij ‹Ri Jehová are salvación›.
^ O «ali kʼolinaq ta rukʼ jun achi», «virgen».
^ O «xkʼojiʼ ta na u relaciones sexuales rukʼ».