Ri Jehová kuyaʼ jun Qakʼolonel (Salvador)

29 Ri nabʼe uxlabʼal winaq che xubʼan ri Ajawaxel, xubʼana chuwäch junam rukʼ jun nabʼe ralkʼwal.

Ri Ajawaxel sibʼalaj kuloqʼoqʼej rukʼojol xuqujeʼ kubʼan na che areʼ kusach kiwäch ri itzel täq winaq, xuqujeʼ keʼukʼol na ri täq keniman che areʼ.—Juan 3:16, 36

30 Ri Jehová xutaq lo ri Ukʼojol rech kalax cho ruwäch Ulew. Jesús ubʼiʼ. Ri unan María ubʼiʼ. —Lucas 1:30-35

31 Chiʼ xkʼiyik, ri Jesús xukʼut sibʼalaj utz täq jastaq. Xukʼutu che xiw ri Jehová are ri qastzij Ajawaxel. —Marcos 12:29, 30

Ri Jesús xubʼij che xiw ri Jehová kqaqʼijlaj.—Mateo 4:10; Juan 4:23, 24

Xuqujeʼ xukʼut che kiwäch ri täq winaq chirij rajawbʼäl ri Jehová.​—Lucas 17:20, 21

 32 Ri Jesús xukunaj ri täq yabʼil xuqujeʼ xubʼan ri sibʼalaj utz. Kʼot itzelal xubʼano. —Hechos 10:38; 1 Pedro 2:21, 22

¿Su kubʼan che qakʼolik chuwäch ri mak xuqujeʼ ri kamikal?

33 Rajawaxik xuyaʼ na jun tabʼal toqʼobʼ che ri Ajawaxel rech keʼukʼol ri utz täq winaq. Ojer, ri Ajawaxel xubʼij chike ri täq winaq che rajawaxik kkekamisaj ri täq chiköp rech kuybʼal kimak.—Hebreos 7:25, 27

34 Ri Jesús kʼot chiköp xutzujuj rech tabʼal toqʼobʼ. Areʼ xuyaʼ ribʼ che tabʼal toqʼobʼ rumal qamak. —Mateo 20:28; Hebreos 10:12

¿La awetaʼm suche?