¿Sulaʼ rajawaxik kabʼano?

50 ¿La kawaj kʼut, jun akʼaslemal che kʼot ukʼisik chuwäch ri kotzʼiʼjalaj uwäch ulew?

Chanimarisaj awetaʼmabʼäl chirij su täq kubʼij ri Ajawaxel. Chakojoʼ achoqʼabʼ che usikʼixik uwäch ri Loqʼalaj Pixabʼ. —Juan 17:3; Apocalipsis 1:3

51 Chanimarisaj awetaʼmabʼäl chirij ri Jesús.—Deuteronomio 18:18, 19; Juan 3:16; Hechos 3:19-23

52 Chakojoʼ achoqʼabʼ che ubʼanik ri utz xuqujeʼ chanimaj ri Jehová.—Romanos 6:17, 18, 22

 53 Masach pa jolom che ri Jehová kraj täj che kqabʼan kamisanik. —Exodo 20:13; 1 Juan 3:11, 12

54 Maqelqʼaj ri jastaq kech nikʼaj chik. —Exodo 20:15; Efesios 4:28

55 Nijun achi kkunik kkʼojiʼ rukʼ jun ixoq xuqujeʼ kok rukʼ, we rixoqil täj. —Exodo 20:14, 17 (NM); 1 Tesalonicenses 4:3

56 ¿La kachʼobʼ na janipaʼ rixoqil kuyaʼ ri Ajawaxel che jun achi? ¿Janipaʼ junabʼ kraj kkʼojiʼ jun achi rukʼ rixoqil? —Génesis 2:22, 24; Mateo 19:5, 6; 1 Corintios 7:2, 10, 11

 57 Xuqujeʼ masach pa jolom che xiw ri Jehová kqaqʼijlaj. —Mateo 4:10

58 Ri bʼanom täq tyox rukʼ täq wachbʼäl kekun täj kojkitoʼo. ¿Suche? —1 Corintios 8:4

¿La utz che e kʼo täq tyox qukʼ? —Deuteronomio 27:15; 1 Juan 5:21

59 ¿Suche utz täj kqakoj täq jastaq che kkekoj ri ajqʼij? —Deuteronomio 18:10-13; Apocalipsis 21:8

60 Ri itzel täq uxlabʼal xewalaj chirij ri Ajawaxel. Kkekoj ri ajqʼij rech kkesach kichomabʼäl ri winaq. —Hechos 16:16

 61 Rajawaxik kqabʼan chʼawem rukʼ ri Ajawaxel. Ri chʼawem kraj kubʼij che kojchʼaw rukʼ ri Ajawaxel, kqabʼij che areʼ che kqaj kqata toqʼobʼ che, xuqujeʼ che kqaj kqapatanej. —Filipenses 4:6, 7

62 Rajawaxik kojniman che ri Jesús xuqujeʼ kqakubʼsaj qakʼuʼx chirij. —Hebreos 5:9; Juan 3:16

63 Masach pa jolom che ri Jesús xkamïk rech kojukʼol chuwäch ri kamikal.—Romanos 5:8

 64 Masach pa jolom che ri Jesús are ri Qajawinel che kqil täj. Rajawaxik kojniman che.—Filipenses 2:9-11; Apocalipsis 19:16

 65 Ri Jesús xubʼij che rajawaxik kabʼij chike nikʼaj chik, chirij ri utz täq noʼjibʼäl tijan kawetamaj, xuqujeʼ kabʼij chike che jachin täq kekaj kkepatanej ri Ajawaxel rajawaxik kkebʼan ri qasanjaʼ.—Mateo 28:19, 20; Juan 4:7-15

66 Rumal laʼ katkunik kabʼij chike awachiʼl chirij we utz täq etaʼmabʼäl riʼ.—Mateo 10:32

67 We utz kabʼan che usikʼixik uwäch ri wuj, kanimarisaj awetaʼmabʼäl chirij nikʼaj chik täq noʼjibʼäl xuqujeʼ katkunik keʼatoʼ nikʼaj chik.—2 Timoteo 2:15

 68 Xuqujeʼ ri Jesús xukʼut che kiwäch ri akʼalabʼ su unimaxik ri Ajawaxel. Kʼot riʼ che latzʼ uwäch che kichʼabʼexik.—Mateo 19:13-15

69 Ri tat nan rajawaxik kkekʼut che kiwäch kalkʼwal, ri unimaxik xuqujeʼ ri uloqʼoqʼexik ri Ajawaxel.—Deuteronomio 6:6, 7; Proverbios 6:20-22; Efesios 6:4

70 E kʼo jaljoj täq kojonem. Kʼi chike ri kikʼutunem kkeyaʼo rech ta ri Loqʼalaj Pixabʼ. Ri Jehová kubʼij chaqe che kojel chupam ri täq kojonem che kkekʼut ta ri qastzij. —Apocalipsis 18:4; Juan 4:23, 24

 71 Ri Jehová e kʼo uwinaq cho ruwäch ulew che sibʼalaj kkekʼut chawäch jachinlaʼ areʼ. ¿La awetaʼm e jachin täq riʼ? —Hechos 15:4; Romanos 10:14, 15

72 Are ri qʼalajsinelibʼ (testigos) rech ri Jehová. Kʼo uxlunem (paz) che kixoʼl. ¿La awetaʼm suche? Rumal che kkeloqʼoqʼej kibʼ che kixoʼl. —Isaías 43:10-​12; Juan 13:34, 35

73 Rumal che kkeloqʼoqʼej ri Jehová, kebʼanom ri qasanjaʼ. Jewaʼ riʼ kkekʼut che kiwäch konojel, che keyaʼom kanoq ri itzel täq kibʼantajik pa kikʼaslemal xuqujeʼ che kekaj kkepatanej ri Ajawaxel pa ronojel kikʼaslemal.—Hechos 2:41

 74 Ri qʼalajsinelibʼ rech ri Jehová keyeʼm jun kikʼaslemal che kʼot ukʼisik, pa jun kʼakʼ kotzʼiʼjalaj uwäch ulew.—Salmo 37:9-11, 29

¿Su kabʼano rech katkʼaseʼ chilaʼ kukʼ? —Santiago 1:22, 25; 2:20-26

75 Junam kukʼ, chawetamaj upatanexik ri Jehová. E areʼ kkeloqʼoqʼej xuqujeʼ kkenimaj ri Jehová xuqujeʼ ri Cristo Jesús.¿La keʼaloqʼoqʼej at? ¿La kawaj keʼatoʼ nikʼaj chik che uretaʼmaxik uwäch ri Ajawaxel? —Juan 6:45-47

 76 Ri Jehová rukʼ Cristo Jesús sibʼalaj katkeloqʼoqʼej. Xuqujeʼ kekaj che kʼo jun akʼaslemal che kʼot ukʼisik pa ri kotzʼiʼjalaj uwäch ulew. —Juan 3:16

Ri xawetamaj pa we jun wuj riʼ rukʼ ri täq wachbʼäl xuqujeʼ ri tzʼibʼtalik, xukoj pa awanimaʼ che kawaj katkikotik che jun akʼaslemal che kʼot ukʼisik cho ruwäch Ulew. We kawaj kanimarisaj awetaʼmabʼäl chirij wariʼ, chachʼabʼej jun qʼalajsinel re Jehová kʼo pa atinamit. We kawaj kattzʼibʼan pa wajun uqʼabʼ qʼatbʼaltzij, chabʼana pa ri rachochbʼäl (dirección) naqaj che ri atinamit, kʼo pa ri ukabʼ uxaq we wuj riʼ.