«Amaqʼel chatzelelaʼ ubʼixik ri kubʼij ri wuj ri tzʼibʼatal wi ri upixabʼ ri Dios, chachomaj ri kubʼij chi pa qʼij chi chaqʼabʼ, rech amaqʼel kabʼan ri kataqan wi waʼ. Jeriʼ ronojel ri kabʼano utz kel na.»

(Josué 1:8)

«Ri e areʼ ko kakiraq kichiʼ che usikʼixik uwach ri wuj ri tzʼibʼatal wi ri upixabʼ ri Dios, xkiyaʼ kʼu ubʼixik chke ri qas kelkubʼij, xkiqʼaxej pa ri kichʼabʼal rech qas kakichʼobʼo.»

(Nehemías 8:8)

«Utz rech ri winaq ri man kutaqej ta ri kinoʼjibʼal ri bʼanal taq etzelal [...]. Xaneʼ kuloqʼoqʼej ri upixabʼ ri Ajawaxel are kʼu kachoman che chi pa qʼij chi chaqʼabʼ [...]. ¡Ronojel ri kubʼano, utz kelik!»

(Salmo 1:1-3)

«Ri Felipe xxikʼinik, xuto chi ri achi katajin kusikʼij uwach ri wuj ri xutzʼibʼaj ri Isaías ri qʼaxal tzij. Xubʼij che: ‹¿La kachʼobʼ ri kasikʼij?›.»

(Hechos 8:30, 31)

 «Ri man ilitajel ta wi ri Dios kuyaʼ ketamatajik, we kachomax ri ubʼanom ri areʼ. Qas kʼu are ri Dios xuqujeʼ chi ri ukuʼinem mawi jubʼiqʼ kʼo ta ukʼistajik.»

(Romanos 1:20)

«Chebʼawilij we jastaq riʼ, chajachaʼ awibʼ che kibʼanik; rech kakʼut taj ri akʼiyik chkiwach konojel.»

(1 Timoteo 4:15)

«Qas chqililaʼ qibʼ, chqapixbʼelaʼ qibʼ che ri loqʼoqʼebʼal qakʼuʼx xuqujeʼ ri utzalaj taq chak. Maqayaʼ kan ri umulixik qibʼ.»

(Hebreos 10:24, 25)

«We kʼu kʼo jun chiwe kʼa kʼo karaj ri unoʼj, chutaʼ che ri Dios, kayataj kʼu na. Ri Dios kuyaʼ chke konojel, man xaq ta jubʼiqʼ kuyaʼo.»

(Santiago 1:5)