Pa ri Biblia kʼo wi ri kraj ri Dios che kketaʼmaj ri winaq. Rumal laʼ kbʼix Utzij ri Dios che. Kukʼut chqawach ri kqabʼano rech kojkikotik xuqujeʼ rech kqakikotemaj ri ajbʼanol qe, xuqujeʼ kuya ubʼixik chrij preguntas che nim kibʼanik junam rukʼ wariʼ:

Pa ri Biblia kʼo 66 wuj. Jachom uwach pa kebʼ jupuq: ri nabʼe ubʼiʼ Escrituras Hebreoarameas xuqujeʼ ri ukabʼ ubʼiʼ Escrituras Griegas Cristianas. Jujun winaq kkibʼij Antiguo Testamento che ri nabʼe xuqujeʼ Nuevo Testamento che ri ukabʼ. Ri wuj rech ri Biblia e jachom pa capítulos, xuqujeʼ pa kijujunal ri capítulos e jachom pa versículos. Chiʼ ksikʼix uwach jun texto nabʼe kʼo ri ubʼiʼ ri wuj, tekʼuriʼ kʼo jun número che kukʼut ri capítulo, tekʼuriʼ jun o más números che kukʼut ri versículo o ri versículos. Jun kʼutbʼal, Génesis 1:1 are kraj kubʼij Génesis capítulo 1, versículo 1.