PREGUNTA 7
¿Jas tzʼibʼam kan pa ri Biblia che kbʼan pa taq ri qaqʼij?
«Kawalij na jun nim tinimit chrij jun nim tinimit chik. Kawalij na jun ajawibʼal chrij jun ajawibʼal chik [...]. Konojel we jastaq riʼ e chaplebʼal ke qʼoxowem.»
«Kewalij na kʼi ri kakijaluj na kibʼ chi e qʼaxal taq tzij. E kʼi ri winaq ri kekisubʼ na. Rumal ri ukʼiyirik ri etzelal, e kʼiʼa winaq kajarobʼ na ri kiloqʼobʼal kʼuʼx.»
«Aretaq chito chi e kʼo chʼoʼj, aretaq kitaʼ na utzijol taq chʼoʼj, mixsachik. Rajawaxik kʼut chi je kakʼulmax na waʼ; kʼa majoq kʼu ri kʼistajik.»
(Marcos 13:7)
«Kubʼan na nimaʼq taq kabʼraqan. Kepe na wiʼjal rukʼ yabʼil pa jalajoj taq kʼolbʼal. Kekʼojiʼ na jastaq xibʼibʼal, kekʼojiʼ na nimaʼq taq etal aj chikaj.»
(Lucas 21:11)
«Pa ri kʼisbʼal taq qʼijol, kepe na kʼaxalaj taq qʼij. Kekʼojiʼ na winaq ri kakiloqʼoqʼej kibʼ chkibʼil kibʼ, ri kakiloqʼoqʼej ri pwaq, ri nimaʼq kibʼanik kakibʼan chi kibʼ, ri kakibʼan nimal; ri itzel taq tzij upa kichiʼ, ri man keniman ta chke ri kitat kinan, ri man kakiyaʼ ta maltyoxinik, man chʼajchʼoj ta ri kikʼaslemal, man kʼo ta loqʼoqʼebʼal kikʼuʼx, man e kuyenelabʼ taj, e bʼil taq tzijtal, man kakijikʼ ta kibʼ, e kʼanalaj taq winaq ri kakibʼan kikʼulel che ri utz, kakijach taq kachil pa kiqʼabʼ ri kikʼulel, man kakichomaj ta ri kakibʼano, kakichomaj chi nim kibʼanik, jeʼl kakinaʼ ubʼanik ri kirayibʼal; are kʼu ri urayibʼal ri Dios, man kakaj taj. Je ta ne ri kʼo ri nimanik che ri Dios kukʼ, man kakiqʼalajisaj ta kʼu ri uchuqʼabʼ.»
(2 Timoteo 3:1-5)