WAJUN wachbʼäl rech ri kotzʼiʼjalaj ulew riʼ weneʼ are xukʼut Ajawaxel chuwäch ri ajqʼaxal utzij ubʼiʼ Isaías. Isaías xkʼaseʼk chi kamnäq chi Jonás.

¡Sibʼalaj utz wajun wachbʼäl! ¿Su junam rukʼ kkaʼy wariʼ? Jeʼ, junam rukʼ ri kotzʼiʼjalaj uwäch ulew xubʼan ri Ajawaxel chike Adán rukʼ Eva, ¿la jewaʼ? Tekʼuriʼ, ¿la kubʼan na wariʼ che ronojel ruwäch ulew?

Jehová xubʼij che Isaías ri ajqʼaxal utzij che kutzʼibʼaj chirij ri kʼakʼ kotzʼiʼjalaj uwäch ulew che petinäq chike ri utinamit ri Ajawaxel. Xubʼij: ‹Utiw xuqujeʼ ri täq chij kekʼajeʼ junam pa jun nimalaj uxlunem. Ri alaj wakax, xuqujeʼ alaj täq köj kketij kiwa junam, xuqujeʼ alaj täq akʼalabʼ kkeyuqʼuj na wa täq chiköp riʼ. Ri alaj neʼ ketzʼan chuchiʼ jun jul rech jun kumätz venenosa wariʼ kubʼan ta käx che›.

‹Wariʼ qastzij täj›, weneʼ kechaʼ kʼi winaq. ‹Rumal che kʼo kʼi täq kʼäx cho ruwäch ulew, xuqujeʼ kepe na kʼi täq kʼäx.› Tekʼuriʼ ¿La awetaʼm sulaʼ ubʼanom ri ulew chiʼ ri Ajawaxel xuya chike Adán rukʼ Eva?

Ri Ajawaxel xuya ri Adán xuqujeʼ Eva pa jun kotzʼiʼjalaj ulew. Rumal che xeniman täj che ri Ajawaxel che xeʼesax bʼik pa ri kotzʼiʼjalaj ulew, xuqujeʼ xkebʼan rij tekʼuriʼ xekamik. Ri Ajawaxel xubʼij che kuya na chike jachin täq keʼuloqʼoqʼej, ronojel ri xuya chike Adán rukʼ Eva.

Pa ri kʼakʼ ulew kʼot nijun kubʼan kʼäx che. Kkeriq na jun nimalaj uxlunem. Konojel ri winaq kekikotik. Pa jun chik bʼantajik kqil na su kubʼan ri Ajawaxel rech kubʼan jun kotzʼiʼjalaj che ruwäch ulew.