Kʼutunem 16

Chachaʼa upatanexik ri Ajawaxel

¿Sulaʼ rajawaxik kabʼano rech kabʼan urachiʼl ri Ajawaxel? (1, 2)

¿Su kabʼan che ujachik akʼaslemal che ri Ajawaxel? (1)

¿Jampa katkunik kabʼan aqasanjaʼ? (2)

¿Su kabʼano rech kariq achoqʼabʼ rech kabʼan sukʼ chuwäch ri Ajawaxel? (3)

1. Rech kabʼan urachiʼl ri Ajawaxel rajawaxik kanimarisaj awetaʼmbʼäl chirij ri qastzij rech ri Loqʼalaj Pixabʼ (1 Timoteo 2:3, 4), chakubʼsaj akʼuʼx chirij ronojel ri xkʼut chawäch (Hebreos 11:6), chaya kan ri täq amak (Hechos 17:30, 31) chajala ri akʼaslemal (Hechos 3:19). Tekʼuriʼ we qastzij kawaj ri Ajawaxel, wariʼ katuselebʼisaj che ujachik akʼaslemal che. Wariʼ kraj kubʼij, che rukʼ jun chʼawem che kabʼan atikel, kabʼij che ri Ajawaxel che kajach akʼaslemal che, xuqujeʼ kabʼano su kraj (Mateo 16:24; 22:37 N T Quiché de Joyabaj y Esp. 2da. Edic. 1999 SBU).

2. Chiʼ xubʼan nim awetaʼmbʼäl chirij ri Utzij ri Ajawaxel xuqujeʼ ajachom chi akʼaslemal che, rumal waʼ rajawaxik kabʼan ri aqasanjaʼ (Mateo 28:19, 20). Ri aqasanjaʼ are kraj kubʼij che kakʼut che kiwäch ronojel, che xajach akʼaslemal che Jehová. Rumal laʼ xiw kkebʼan kiqasanjaʼ chin täq kʼo chi kijunabʼ xuqujeʼ kʼo chi ketaʼmbʼäl rech qas kkechaʼ upatanexik ri Ajawaxel. Chiʼ jun winaq kubʼan uqasanjaʼ rajawaxik che ronojel ri ubʼaqil kqaj chuxeʼ jaʼ * (Marcos 1:9, 10; Hechos 8:36).

3. Chiʼ ajachom chi akʼaslemal che Jehová, are kraj che katkʼaseʼ jelaʼ su xatzujuj che (Salmo 50:14; Eclesiastés 5:4, 5). Ri Itzel kukoj uchoqʼabʼ rech kaya kan upatanexik ri Jehová (1 Pedro 5:8). Chabʼana achʼawem rukʼ ri Jehová (Filipenses 4:6, 7). Chasikʼij ri Loqʼalaj Utzij ronojel täq qʼij (Salmo 1:1-3). Chatkʼol che kixoʼl ri qʼalajsinelibʼ (Hebreos 13:17). We kabʼan wariʼ, kariq achoqʼabʼ rech kabʼan sukʼ chuwäch ri Ajawaxel. Katkun na kabʼan ronojel su kuta ri Ajawaxel chawe wachanim xuqujeʼ pa akʼaslemal che kʼot ukʼisik.

[Nota al pie de la página]