Kʼutunem 8

Jun kʼaslemal pa awachoch che utz kril ri Ajawaxel

¿La are ri achi kukʼam bʼe puwiʼ rachoch? (1)

¿Su kubʼan ri achi che urilik rixoqil? (2)

¿Chike chak kubʼan ri tat pa rachoch? (3)

¿Chike chak kubʼan ri nan pa rachoch? (4)

¿Su kuta ri Ajawaxel chike ri täq tat nan xuqujeʼ chike kalkʼwal? (5)

¿Su kubʼij ri Loqʼalaj Pixabʼ chirij jokʼlaj winaq che xäq kkejach kibʼ xuqujeʼ kkechupsaj kikʼulnem chuwäch qʼatbʼaltzij? (6, 7)

1. Ri Loqʼalaj Pixabʼ kubʼij che are ri achi kukʼam bʼe pa rachoch (1 Corintios 11:3). Rajawaxik che xiw jun rixoqil ri achi xuqujeʼ rajawaxik che ktzʼibʼax kikʼulnem pa qʼatbʼaltzij (1 Timoteo 3:2; Tito 3:1).

2. Ri achi rajawaxik kuloqʼej rixoqil junam cha kraj ribʼ areʼ. Jelaʼ kraj kubʼan che rixoqil junam cha xubʼan ri Jesús chike rutaqoʼxel (Efesios 5:25, 28, 29). Utz täj che kuchʼayo o kubʼan kʼäx che. Are utz che ri achi nim kril rixoqil (Colosenses 3:19; 1 Pedro 3:7).

3. Ri tat rajawaxik che kchakunik rech keʼutzuq ri täq e kʼo pa rachoch. Rajawaxik kuchʼak kiwa rixoqil ralkʼwal, kuya ketzʼyaq xuqujeʼ kichoch. Xuqujeʼ rajawaxik kukʼut che kiwäch chirij ri Loqʼalaj Pixabʼ (1 Timoteo 5:8). Ri achi rajawaxik che kukʼam bʼe che ukʼutik che kiwäch chirij ri Ajawaxel xuqujeʼ chirij täq Ubʼantajik (Deuteronomio 6:4-9; Efesios 6:4).

4. Ri ixoq rajawaxik che jun utzalaj tobʼanel che rachajil (Génesis 2:18). Rajawaxik kutoʼ rachajil che ukʼutik ri utz chike täq kalkʼwal (Proverbios 1:8). Ri Jehová kraj che ri ixoq kril rachajil xuqujeʼ täq ral rukʼ ronojel ukʼuʼx (Proverbios 31:10, 15, 26, 27; Tito 2:4, 5). Ri ixoq rajawaxik che nim kril rachajil (Efesios 5:22, 23, 33).

5. Ri Ajawaxel kuta chike ri akʼalabʼ che keniman che kitat kinan (Efesios 6:1-3). Are kraj che ri tat nan kkepixbʼej xuqujeʼ  kkekʼut ri utz che kiwäch kalkʼwal. Rajawaxik che ri tat nan kkejam kiqʼij rech kkekʼut che kiwäch kalkʼwal chirij ri Loqʼalaj Pixabʼ xuqujeʼ kkeya chike täq rajawaxik chike pa kikojonik xuqujeʼ pa kichʼobʼonik (Deuteronomio 11:18, 19; Proverbios 22:6, 15). Kraj täj che kkebʼan kʼäx chike kalkʼwal chiʼ kkepixbʼej (Colosenses 3:21).

6. Chiʼ kpe chʼoj che kixoʼl jokʼlaj winaq, are utz kketa ri pixabʼ kuya ri utzij ri Ajawaxel. Ri Loqʼalaj Pixabʼ kubʼij chaqe che are utz kqaj qibʼ xuqujeʼ kqakuy qamak (Colosenses 3:12-14). Ri Loqʼalaj Pixabʼ kʼot kubʼij che are utz kkejach kibʼ e jokʼlaj winaq umak kiwal xyiktajik che kixoʼl. Tekʼuriʼ ri ixoq kkunik kuya kan rachajil we 1) ri achi keʼutzuq ta rixoqil ralkʼwal xuqujeʼ kuya ta chike täq rajawaxik chike, 2) we rachajil kuchʼayo tekʼuriʼ kraj kukamsaj o 3) we ri achi kuya ta che rixoqil che kubʼan utaqonik ri Jehová xuqujeʼ kuya täj che rixoqil kuya uqʼij ri Jehová (1 Corintios 7:12, 13).

7. Jun winaq che kʼulunik rajawaxik che kutzukuj ta jun chik ukʼulaj (o ukʼaxel). Wariʼ are jun nimalaj mak chuwäch ri Ajawaxel xuqujeʼ chuwäch ri ukʼulaj (Hebreos 13:4). Ri Loqʼalaj Pixabʼ kubʼij, we kʼo jun winaq kʼulunik kqaj pa mak rukʼ jun chik winaq, xiw rumal waʼ yaʼom che kkʼis ri kʼulnem, xuqujeʼ jujun chike kekunik kekʼuliʼ chik (Mateo 19:6-9; Romanos 7:2, 3). Ri Jehová itzel kril jun winaq che kukʼis ri ukʼulnem chuwäch qʼatbʼaltzij, we ukʼulaj kʼot umak ubʼanom je cha kubʼij ri Loqʼalaj Pixabʼ tekʼuriʼ kkʼuliʼ rukʼ jun chik winaq (Malaquías 2:14-16).

[Täq wachbʼäl pa ri 16 xuqujeʼ 17 uxaq wuj]

Ri Ajawaxel kraj che ri tat nan kkepixbʼej kalkʼwal

[Wachbʼäl pa ri 17 uxaq wuj]

Jun utzalaj tat kuya ronojel täq rajawaxik chike rixoqil ralkʼwal