Kʼutunem 11

Ri täq kojonik xuqujeʼ täq kʼutunik (costumbres) che utz täj kril ri Ajawaxel

¿Chin chike täq kojonik xuqujeʼ kʼutunik e utz täj? (1)

¿La rajawaxik kkekoj ri cristianos che ri Ajawaxel are jun Trinidad? (2)

¿Suche ri qastzij täq cristianos kkebʼan ta nimqʼij pa Alaxbʼäl (Navidad), ri awasqʼij xuqujeʼ ri cumpleaños? (3, 4)

¿La kekun ri täq kamnäq kkebʼan kʼäx chike ri winäq? (5)

¿La xkam ri Jesús chuwäch jun cruz? (6)

¿La rajawaxik che kqakikotemaj ri Ajawaxel? (7)

1. Ronojel täj ri täq kojonik xuqujeʼ täq kʼutunik kojkunik kqabʼij che e utz täj. Ri Ajawaxel utz täj kril ri kojonik xuqujeʼ ri kʼutunik che e petinäq lo chupam ri kojonem che qastzij täj rumal che wanikʼaj riʼ e kʼot pa ri Loqʼalaj Pixabʼ (Mateo 15:6).

2. Ri Trinidad: ¿La are Jehová jun Trinidad, u oxibʼ winaq pa jun Ajawaxel? Je täj. Xiw ri Jehová qatat «qas Dios» (Juan 17:3; Marcos 12:30 [Marcos 12:29, NM]). Ri Jesús are ri Nabʼeʼal Ukʼojol, are kupatanej ri Ajawaxel (1 Corintios 11:3). Ri Tat nim chuwäch ri Ukʼojol (Juan 14:28). Ri ixlabʼixel are ri nimalaj uchoqʼabʼ ri Ajawaxel, rumal waʼ che junam ta rukʼ (Génesis 1:2; Hechos 2:18).

3. Ri Alaxbʼäl xuqujeʼ ri Awasqʼij: Ri Jesús xalax ta pa ri 25 rech diciembre, xalax pa ri nabʼe täq qʼij rech octubre, che we täq qʼij riʼ ronojel ri täq ajyuqʼ keʼel chaqʼabʼ che uchajexik kichij pa juyubʼ (taʼaj) (Lucas 2:8-12). Ri Jesús kʼot xeʼutaq ri cristianos che ubʼanik nimqʼij rech ri ralaxbʼäl. Are xubʼij kan chike che kkenaʼtasaj (kkʼasox uwäch) ri ukamikal (Lucas 22:19, 20). Ri täq bʼantajik rech ri Alaxbʼäl e petinäq chupam e ojer täq kojonem che qastzij täj. Xuqujeʼ xa junam kubʼij ri täq kbʼantaj pa Awasqʼij. Ri nabʼe täq cristianos xkebʼan ta nimqʼij pa täq Alaxbʼäl o pa täq Awasqʼij, xuqujeʼ ri qastzij täq cristianos e kʼo kimik, kkebʼan ta wariʼ.

4. Cumpleaños: ri kebʼ cumpleaños che kraqtajik pa ri Loqʼalaj Pixabʼ are kech nikʼaj winaq che xeniman ta che ri Ajawaxel (Génesis 40:20-22; Marcos 6: 21, 22, 24-27). Ri nabʼe täq cristianos kʼot cumpleaños xkebʼano. We bʼantajik riʼ petinäq chupam ri kojonem che qastzij täj. Ri qastzij täq cristianos kkebʼan sipanik xuqujeʼ kkemol kibʼ pa jalajoj täq qʼij rech kekikotik.

5. Maxibʼij awibʼ chike ri täq kamnäq: ri täq kamnäq kʼot kkebʼano. Öj kojkun täj keqatoʼo xuqujeʼ kë kekunt täj kkebʼan kʼäx chaqe (Salmo 146:4; Eclesiastés 9:5, 10). Ri animaʼ (alma) che kkamïk, kʼot chik ukʼaslemal we xkamïk (Ezequiel 18:4). E kʼo nikʼaj itzel täq taqoʼxel ajkaj che kibʼiʼ itzel täq uxlabʼal (demonios) che kkebʼan che kibʼ che e are kuxlabʼal ri täq kamnäq. Ronojel täq bʼantajik che kunimarisaj kiqʼij ri kamnäq o kubʼano che kaxibʼij awibʼ chike, e utz täj (Isaías 8:19).

6. Cruz: Ri Jesús xkam ta chuwäch jun cruz, are xkam chuwäch jun raqan cheʼ. Ri tzij pa griego che pa jalajoj Loqʼalaj täq Pixabʼ kbʼix «cruz» che, are kraj kubʼij che xiw jun raqan cheʼ. Ri kojonik chirij ri cruz petinäq chupam ri ojer täq kojonem che qastzij täj. Ri nabʼe täq cristianos xkeya ta uqʼij xuqujeʼ xkekoj ta ri cruz. Rumal waʼ, ¿La utz che kqakoj jun cruz chiʼ kqaya uqʼij ri Jehová? (Deuteronomio 7:26; 1 Corintios 10:14.)

7. Kʼäx uyaʼik kan wanikʼaj täq bʼantajik xuqujeʼ wanikʼaj kojonik chike jujun täq winaq. We e kʼo awachilal o awachiʼl che kekaj täj che keʼaya kan we akojonik riʼ, chawetamaj che are sibʼalaj nim rajawaxik kakikotemaj ri Ajawaxel chekiwäch ri winaq (Proverbios 29:25; Mateo 10:36, 37).

[Wachbʼäl pa ri 22 uxaq wuj]

Ri Ajawaxel jun Trinidad täj

[Wachbʼäl pa ri 23 uxaq wuj]

Ri Alaxbʼäl petinäq chupam ri ojer täq kojonem che e qastzij täj

[Wachbʼäl pa ri 23 uxaq wuj]

Kʼot suche che kqaya uqʼij jun kamnäq o kqaxibʼij qibʼ che