Kʼutunem 9

Ri täq upatanel ri Ajawaxel kraj che e saq (chʼajchʼoj) täq winaq

¿Suche rajawaxik che ujsaq pa ronojel qakʼaslemal? (1)

¿Su kraj kubʼij che ujsaq pa qakojonik? (2) ¿Su kraj kubʼij che ujsaq chupam ronojel su kqabʼano? (3) ¿Su kraj kubʼij che ujsaq chupam ronojel kʼo pa qajolom? (4) ¿Su kraj kubʼij che ujsaq pa qachoch xuqujeʼ che saq qabʼaqil? (5)

¿Chike itzel täq tzij utz täj kqabʼij? (6)

1. Ri Loqʼalaj Ajawaxel Jehová sibʼalaj saq. Areʼ kraj che chin täq kkeya uqʼij, e saq pa kikojonik, chupam ronojel kkebʼano, rukʼ ronojel kʼo pa kijolom, e saq pa kichoch xuqujeʼ e saq kibʼaqil (físicamente) (1 Pedro 1:16). Rajawaxik che kqakoj nim qachoqʼabʼ rech ojsaq chuwäch ri Ajawaxel. Ojkʼo pa jun tzʼil uwäch Ulew. Xuqujeʼ tijan kqakoj qachoqʼabʼ chuwäch täq rayinik che ri mak (keqrij ri itzel). Ma qaya qibʼ che ri mak.

2. Ujsaq pa qakojonik: we kqaj kqapatanej ri Jehová, kojkun täj kqabʼan qe chike täq kukʼut ri kojonem che qastzij täj. Rajawaxik kojel chupam ri kojonem che qastzij täj xuqujeʼ kqaya ta bʼaʼ qatoʼnik che (2 Corintios 6:14-18; Apocalipsis 18:4). Chiʼ qetaʼm chik ri qastzij (saqalaj tzij) chirij ri Ajawaxel, rajawaxik che kqachajej qibʼ che kʼot jun kojusach rukʼ molon täq tzij (2 Juan 10, 11).

3. Ujsaq chupam ronojel kqabʼano: ri Jehová kraj che chin täq kkeya uqʼij, kkebʼan e qastzij täq cristianos jachiʼ ta neʼ  ekʼo wi (patne e kʼwë) (1 Pedro 2:12). Ri Jehová kril ronojel chike täq kqabʼano, xuqujeʼ kril ronojel su kqabʼan chelqʼal (chiʼ qwan qibʼ) (Hebreos 4:13). Rajawaxik che itzel kqil ri tzʼil täq mak xuqujeʼ ri nikʼaj chik täq mak e kʼo cho ruwäch Ulew (1 Corintios 6:9-11).

4. Ujsaq chupam ronojel kʼo pa qajolom: we xiw saq täq chomanik (pensamientos) kqaya pa qajolom, jewaʼ ri qakʼaslemal (Filipenses 4:8). Tekʼuriʼ, we xiw itzel täq chomanik kqabʼano, kʼisbʼal re kojqaj pa mak (Mateo 15:18-20). Rajawaxik kqachajej qibʼ che su täq kqabʼano chiʼ jamal qawäch rech kqakoj ta tzʼil täq chomanik pa qajolom. We qatijosaj qibʼ chirij Utzij ri Ajawaxel kqanojisaj qajolom che e saq täq chomanik.

5. Ujsaq pa qachoch xuqujeʼ saq qabʼaqil: rumal che oj ajkʼutbʼal re ri Ajawaxel waral chuwäch Ulew, rajawaxik che saq qabʼaqil xuqujeʼ ri qatzʼyaq. Rajawaxik che kqachʼaj qaqʼabʼ we xbʼantaj kan ri chulaj xuqujeʼ chiʼ kqatij qawa o chiʼ kqachap rikil wa. We kʼot ni kaya bʼi ri tzʼil, rajawaxik che kamuqu (Deuteronomio 23:12, 13). We ujsaq pa qachoch, kʼot yabʼil kqariqo. Ri kichoch täq cristianos rajawaxik che e tzʼil täj xuqujeʼ utz ubʼanom ronojel pa ja. Rajawaxik che kkekʼutu che e saq che kiwäch nikʼaj chik täq ja.

6. Kʼot itzel täq tzij kqabʼij: ri ajpatanel re ri Ajawaxel utz täj che kkebʼij molon täq tzij. Ri ajmolon täq tzij keʼok ta pa ri Rajawbʼäl ri Ajawaxel (Efesios 4:25; Apocalipsis 21:8). Ri cristianos kʼäx täj kechʼawäk. Kkebʼij täj xuqujeʼ kketa ta tzij che xa kuyik tzeʼ chirij tzʼil täq mak. E junam ta kukʼ nikʼaj chik winaq pa kichak, pa tijobʼäl xuqujeʼ kukʼ ajnikʼaj chik ja (vecinos) (Efesios 4:29, 31; 5:3).

[Täq wachbʼäl pa ri 18 xuqujeʼ 19 uxaq wuj]

Ri Ajpatanel re ri Ajawaxel rajawaxik che e saq pa ronojel ubʼe kikʼaslemal