Kʼutunem 14

Su kkebʼan ri qʼalajsinelibʼ rech Jehová che kichak

¿Jampa xel lo cho saq ri kichak ri qʼalajsinelibʼ rech Jehová? (1)

¿Su ubʼanik ri täq riqbʼal ibʼ che kkebʼan ri qʼalajsinelibʼ rech Jehová? (2)

¿Su kkebʼan che utojik ronojel su kkekojo? (3)

¿Chin kukʼam bʼe pa ri täq congregación? (4)

¿Su nikʼaj chik nimaq täq riqbʼal ibʼ kbʼan ronojel täq junabʼ? (5)

¿Chike täq chak kbʼan chupam ri nimalaj ja kech ri qʼalajsinelibʼ rech Jehová kraqtajik Nueva York xuqujeʼ pa täq sucursales? (6)

1. Kichak ri qʼalajsinelibʼ rech Jehová xmajtaj lo pa ri täq junabʼ 1870. Nabʼeʼ xbʼix Ajtijoxelabʼ rech ri Loqʼalaj Pixabʼ chike, tekʼuriʼ pa ri junabʼ 1931 xkekʼam ri bʼiʼaj: qʼalajsinelibʼ rech Jehová, we bʼiʼaj kraqtajik chupam ri Loqʼalaj Pixabʼ (Isaías 43:10). Sibʼalaj e kʼi xeʼubʼan ri Qʼalajsinelibʼ, jetlaʼ ojer. Kimik e kʼo millones täq qʼalajsinelibʼ che kkeya ubʼixik utzij ri Ajawaxel pa mas che doscientos treinta täq tinamit (países).

2. Ronojel ri qʼalajsinelibʼ rech Jehová kkebʼan oxibʼ riqbʼal ibʼ pa jun semana, xa jujun je täj. Kqabʼij chawe che katkunik katpe qukʼ pa we täq riqbʼal ibʼ riʼ (Hebreos 10:24, 25). Ronojel ri kkʼut chupam esam pa ri Loqʼalaj Pixabʼ. We täq riqbʼal ibʼ kmajtajik xuqujeʼ kkʼis rukʼ jun chʼawem, xuqujeʼ pa jujun täq riqbʼal ibʼ kbʼan “bʼixonem aj uxlabʼal [canciones espirituales]” rukʼ ronojel kanimaʼ (Efesios 5:18, 19). Kkunik kopan ronojel chin kraj, kutoj täj xuqujeʼ ktaʼ ta pwäq che (Mateo 10:8).

3. Ri qʼalajsinelibʼ rech Jehová kkebʼan kiriqbʼal ibʼ pa ri Ja rech Ajawbʼäl. Ri täq ja rech Ajawbʼäl bʼanom kumal täq Qʼalajsinelibʼ che tojon ta chike. Chupam kʼot keʼawil tyox, cruz, wachbʼäl xuqujeʼ nikʼaj chik. Ronojel täq rajawaxik chike, kketoj rukʼ täq nut (kuchuj) che kkeya rukʼ rutzil kikʼuʼx (kanimaʼ).  Chin kraj ktobʼon rukʼ pwäq, kkunik kuya chupam jun alaj koxon rech täq nut (2 Corintios 9:7).

4. Pa ronojel täq congregación e kʼo ajkʼamol täq bʼe che kibʼiʼ ancianos o täq solinel, wanikʼaj riʼ are kkekʼam ubʼe ri kʼutunik che kyaʼik (1 Timoteo 3:1-7; 5:17). Ri täq siervos ministeriales are kketoʼ ri ancianos (1 Timoteo 3:8-10, 12, 13). Pa ri congregación kech ri qʼalajsinelibʼ kʼot jun che nim uqʼij chuwäch jun chik (2 Corintios 1:24). Kʼot kbʼix nim ubʼanik täq bʼiʼaj chike (Mateo 23:8-10). Jalajoj ta ketzʼyaq che kiwäch nikʼaj chik. Xuqujeʼ ktoj ta chike rumal ri kkebʼano. Ri täq ancianos kkepatanej rukʼ rutzil kanimaʼ ronojel ri täq rajawaxik pa ukojonik ri congregación riʼ. Kketoʼ chin täq kkeriqom bʼis xuqujeʼ chin täq kkeriqom kʼäx (Santiago 5:14-16; 1 Pedro 5:2, 3).

5. Ronojel täq junabʼ ri qʼalajsinelibʼ rech Jehová kkebʼan nimaʼq täq riqbʼal ibʼ, wariʼ kibʼiʼ asambleas. Chiʼ kkemol kibʼ kʼi täq congregaciones rech kketa loqʼalaj täq chʼabʼäl chirij ri Loqʼalaj Pixabʼ. Pa ronojel täq asambleas kkebʼan kiqasanjaʼ ri kʼakʼ täq tijoxelabʼ (Mateo 3:13-17; 28:19, 20).

6. Ri ja rech ukʼuʼx kichak ri qʼalajsinelibʼ rech Jehová kʼo Nueva York. Chupam kʼo ri Jupuq ancianos nim ketaʼmbʼäl (Cuerpo Gobernante), wanikʼaj are kkechajej ri chak rech täq congregaciones cho ronojel uwäch Ulew. Che wa täq qʼij qʼaxnaq chuwäch cien täq sucursales che e kʼo cho ronojel uwäch Ulew. Ri täq kechakun chilaʼ ketobʼon che utzʼajtzʼibʼaxik (imprimir) xuqujeʼ utaqik bʼi ronojel täq wuj che esam chupam ri Loqʼalaj Pixabʼ. Chilaʼ kchomax rij (kchʼabʼ rij) ri ubʼixik rutzij ri Jehová. Chajamaʼ aqʼij rech kawila ri sucursal che kʼo naqaj che awachoch.