Jupaj tzij chike ri e nan tat

¿Jas utz sipanik kixkunik kiya chike ri iwalkʼwal? Kʼo kʼi jastaq che kajwataj chike, loqʼoqʼenik, ukʼamik kibʼe xuqujeʼ kichajixik. Tekʼuriʼ, ri sipanik che sibʼalaj nim ubʼanik che utz kiya chike, are ri etaʼmabʼal chirij ri Jehová xuqujeʼ ri qastzij che kʼo chupam ri Utzij, ri Loqʼalaj Pixabʼ (Juan 17:3). Wajun etaʼmabʼal riʼ kubʼano che kkʼiy ri kiloqʼoqʼenik ri iwalkʼwal chirij ri Jehová xuqujeʼ kkipatanij rukʼ ronojel kanimaʼ, xuqujeʼ chiʼ e nitzʼ na (Mateo 21:16).

E kʼi chike ri nan tat kilom che ri alaj taq akʼalabʼ utz kkilo che kkʼut kʼutunem chkiwach xuqujeʼ kbʼan chak kukʼ che nimaʼq taj. Rumal laʼ, rukʼ kikotemal kqaya wajun wuj riʼ chiwe ubʼiʼ: Wetaʼmanik chirij ri Utzij ri Dios. Ri e kʼutunem bʼanom rech kʼax ta kbʼan che ukʼutik chkiwach jun pixabʼ rech ri Utzij ri Dios. Ri e wachbʼal xuqujeʼ ri tzij che tzʼibʼatalik bʼanom chike ri alaj taq akʼalabʼ che kʼo oxibʼ kijunabʼ o majaʼ na. Xuqujeʼ, kyaʼ ubʼixik jujun taq chak che utz kbʼan kukʼ ri alaj taq akʼalabʼ. Wajun wuj riʼ xa ta jun etzʼabʼaʼl chike ri alaj taq akʼalabʼ. Bʼanom rech kisikʼij uwach kukʼ xuqujeʼ kixtzijon kukʼ.

Qas qetaʼm che wajun wuj riʼ kixutoʼ rech kikʼut chkiwach ri iwalkʼwal ri qastzij che kʼo pa ri Utzij ri Dios chiʼ e «chʼutin na» (2 Timoteo 3:14, 15).

Ri e iwachalal,

Jupuq Ajkʼamal bʼe cho ronojel uwach Ulew kech ri Testigos rech Jehová

[Wachbʼal rech ri uxaq 3]