KʼUTUNEM 9
¿Jumpaʼ kubʼan jun kotzʼiʼjalaj uwach ri Ulew?
Wa täq kʼäx riʼ kukʼutu che naj ta chik ri Ajawbʼal kukʼam lo tewchibʼal (Lucas 21:10, 11; 2 Timoteo 3:1-5)
Ri Loqʼalaj Pixabʼ xubʼij lo ojer kʼi täq jastaq che tijan kbʼan kimik. Xubʼij che ri winaq kkiloqʼoqʼej ubʼanik ri kirayinik xuqujeʼ ri pwaq, kkinimaj ta ri kitat kinan xuqujeʼ kkibʼan chʼoj.
Xubʼij lo nimaʼq täq kabʼraqan, chʼoj, wiʼjal xuqujeʼ kʼi täq yabʼil. Kimik tijan kbʼan ronojel wariʼ.
Xuqujeʼ ri Jesús xubʼij kanoq che katzijox na ri utz täq tzij rech ri Ajawbʼal cho ronojel ri uwach Ulew (Mateo 24:14).
Ri Rajawbʼal ri Ajawaxel kresaj na ronojel ri itzelal (2 Pedro 3:13)
Naj ta chi kraj Jehová kusachisaj kiwach ri e itzel.
Kkʼajasax na kiwach ri Satanás xuqujeʼ ri itzel täq uxlabʼal.
Jachin keniman che ri Ajawaxel kekʼejeʼ na pa jun kʼakʼ uwach Ulew jachiʼ kʼot chi jun kuxibʼij ribʼ xuqujeʼ ri winaq kkikubʼsaj kikʼuʼx chikij nikʼaj chik rumal che konojel kkibʼan ri sukʼilal. Konojel ri winaq kkiloqʼoqʼej na kibʼ.
Wene' xuquje' utz kawilo
JALAJOJ UWACH WUJ
¿Jas riʼ ri Rajawbʼal ri Dios?
Chiʼ ri Jesús xpe cho ri uwach Ulew, xukʼut ri kubʼan na ri Rajawbʼal ri Dios.
JALAJOJ UWACH WUJ
¿La kopan na jun qʼij che kʼo ta chi kʼax?
Ri Biblia kubʼij che ri Dios kresaj na ronojel ri kʼaxkʼolil , utz ta krilo che kʼo ta sukʼilal xuquje kubij chqe che are qas keraj ri winaq. ¿Jas kubʼan wariʼ pa akʼaslemal?
