KʼUTUNEM 11
¿La kuta ri qachʼawem ri Jehová?
Ri Ajawaxel kuta ri qachʼawem (1 Pedro 3:12)
Ri Jehová ‹kutatabʼej ri chʼawem› (Salmo 65:2). Areʼ kraj che kojchʼaw che, rukʼ ronojel qanimaʼ.
Xaq xiw che ri Jehová chabʼanaʼ wi ri achʼawem.
Kojkunik kqabʼan qachʼawem chirij kʼi täq jastaq (1 Juan 5:14)
Chata che ri Ajawaxel che kubʼan ri urayinik pa ri kaj xuqujeʼ cho ri uwach Ulew.
Chata che ri Ajawaxel che katutoʼ che ubʼanik ri utz. Chiʼ kqabʼan ri qachʼawem xuqujeʼ kojkunik kojchʼaw chirij ri qachoch, ri qawa, ri qachak, ri qatzʼyaq xuqujeʼ che utz qawach.
Amaqʼel chabʼanaʼ ri achʼawem pa ubʼiʼ ri Jesús. Rukʼ wariʼ kakʼutu che nim kawil wi ri xubʼan chawe.
Wene' xuquje' utz kawilo
ETA'MANIK RE RI BIBLIA CHE NIM KIB'ANIK
¿La kuta ri Dios ronojel ri e chʼawem?
¿Jas kkʼulmatajik we jun winaq kubʼan uchʼawem rumal che kʼo kraj? ¿Jas kkʼulmatajik we jun achi kuchʼay ri rixoqil tekʼuriʼ kutaʼ ri utewchibʼal ri Dios?
ll uchʼaqapil 11 e uxaq 24-25
