Pa wajun sección riʼ kqamaj usikʼixik uwach ri e tzʼibʼatal pa ri Escrituras Griegas Cristianas. Kqilo che Jesús xalax pa jun familia che kʼo ta nim kirajil e kʼo pa jun alaj tinamit, xuqujeʼ xchakun rukʼ ri utat, che ajanel. Jesús kux ri Kolonel ke ri winaq. Jehová uchaʼom rech kux Ajawinel rech ri Ajawbʼal che kʼo pa ri kaj. We e kʼo awalkʼwal, cheʼatoʼ rech kkichʼobʼo che Jehová qas utz xubʼan che uchaʼik ri ufamilia ri Jesús. Rech kalax pa jun utzalaj familia. Chabʼij chke che Jehová xuchajij Jesús are chiʼ Herodes xraj xukamisaj. Chakʼutuʼ che kʼo ta kqʼaten ri urayibʼal Jehová. Chakʼutuʼ che Jehová xuchaʼ Juan rech xusukʼumaj ri ubʼe Jesús. Chakʼutuʼ che are chiʼ nitzʼ na Jesús xuloqʼoqʼej ri unojibʼal Jehová xuqujeʼ xukubʼsaj ukʼuʼx chrij utobʼanik ri Dios are ta ri uchomanik areʼ.