Sibʼalaj jeʼl ri qakʼaslemal. Paneʼ kojqʼax pa jujun taq kʼax, kojkunik kojkikot na che jujun jastaq pa ri qakʼaslemal. ¿Jas kqabʼan che ukʼutik che ri Jehová che sibʼalaj nim kqil wi ri kʼaslemal? ¿Y jas jun rumal che kqabʼano?

1. ¿Jasche nim kqil wi ri qakʼaslemal?

Rajawaxik nim kqil wi ri qakʼaslemal rumal che are jun sipanik che xuya ri Jehová chqe. Ri Areʼ «are ri ukʼiyibʼal jaʼ re kʼaslemal», rumal che are xbʼanow ronojel kiwach kʼaslemal (Salmo 36:9). «Areʼ kʼut ri kyoʼw chqe qonojel ri qakʼaslemal, areʼ kyoʼw ri kaqiqʼ, xuqujeʼ ri nikʼaj jastaq chik» (Hechos 17:25, 28). Rumal laʼ, are ri Jehová kyaʼow ronojel ri kajwataj chqe rech kojkʼasik y kojkikotik (chasikʼij Hechos 14:17).

2. ¿Jas kqabʼan che ukʼutik chuwach ri Jehová che nim kqil wi ri qakʼaslemal?

Are chiʼ ri anan xkanaj yawabʼ ixoq, Jehová xatrilo. Rumal ri ruxlabʼal ri Dios, ri qʼatal tzij David xubʼij: «Ri bʼaqʼwach la xril ri nucuerpo are taq ktajin kkʼiyik» (Salmo 139:16). Ri Jehová sibʼalaj nim kril wi ri qakʼaslemal (chasikʼij Mateo 10:29-31). Y sibʼalaj kʼax kunaʼo chiʼ jun winaq kkamisanik o kukamisaj ribʼ (Éxodo 20:13). a Xuqujeʼ sibʼalaj kbʼisonik are chiʼ krilo che kqabʼan jastaq che kukʼutu che nim ta kqil wi ri qakʼaslemal o ri kech ri nikʼaj chik. Are chiʼ kqachajij ri qakʼaslemal y ke ri nikʼaj chik, kqakʼutu che nim kqil wi ri kʼaslemal.

 CHANIMARISAJ RI AWETAʼMANIK

3. Chachajij awibʼ rech kariq ta jun yabʼil

Ri cristianos che kitzujum che ri Jehová che kkibʼan pa ri kikʼaslemal ri kraj ri areʼ. Jetaneʼ xkisipaj ri kicuerpo che ri Dios, rumal laʼ rajawaxik kkichajij. Chisikʼij Romanos 12:1, 2 y chixtzijon chrij wariʼ:

• ¿Jasche rajawaxik kachajij awibʼ rech kariq ta jun yabʼil?

• ¿Jas kabʼan che ubʼanik?

 5. Nim chawilaʼ wi ri ukʼaslemal jun alaj neʼ che majaʼ kkʼojiʼk

Ri David xubʼij che ri Jehová nim kril ri qakʼaslemal y che nim kril ri ukʼaslemal jun alaj neʼ che majaʼ kkʼojiʼk. Chisikʼij Salmo 139:13-17 y chixtzijon chrij wariʼ:

• Chuwach ri Jehová, ¿jawchiʼ kumaj wi ri ukʼaslemal jun winaq: la are chiʼ kkʼojiʼk, o are chiʼ ri unan kkanaj kan yawabʼ ixoq?

Ri Jehová xubʼij chke ri israelitas che rajawaxik kkichajij ri ixoq che yawabʼ y ri alaj neʼ che rukʼam. Chisikʼij Éxodo 21:22, 23 TNM y chixtzijon chrij wariʼ:

• ¿Jas kubʼan ri Jehová che rilik jun winaq che xa ta chubʼanik xubʼano xukamisaj jun alaj neʼ che majaʼ kkʼojiʼk?

• Y, ¿jas kubʼan che rilik jun winaq che xa chubʼanik kubʼano? b

• ¿Jas kachomaj at chrij ri kuchomaj ri Dios?

Chiwilaʼ ri VIDEO.

Paneʼ jun ixoq sibʼalaj nim kril wi ri kʼaslemal, weneʼ kuchaʼ ubʼanik jun aborto rumal che ktaqchiʼxik. Chisikʼij Isaías 41:10 y chixtzijon chrij wariʼ:

• We jun ixoq ktaqchiʼx che ubʼanik jun aborto, ¿jachin che rajawaxik kutaʼ wi tobʼanik? ¿Jasche?

 RI XQETAʼMAJ

Ri qakʼaslemal are jun sipanik che uyaʼom ri Jehová. Ri Biblia kubʼij che rajawaxik nim kqilo, kqachajij y kqaloqʼoqʼej ri qakʼaslemal y ri kech ri nikʼaj chik.

¿La knaʼtaj chawe?

• ¿Jasche qetaʼm che ri Jehová sibʼalaj nim kril ri qakʼaslemal?

• ¿Jas kunaʼ ri Jehová are chiʼ jun winaq kkamisanik o kukamisaj ribʼ?

• ¿Jas más utz kawil che ri qakʼaslemal?