Pa jujun taq lugares, ri winaq kkichomaj che rech kekikotik rajawaxik kekʼulik. Are kʼu konojel ta ri e kʼulanik kekikotik xuqujeʼ konojel ta ri e kʼulan taj kebʼisonik. Ri qastzij are che ri Biblia kubʼij che ri kʼulanem y ri soltería are jun sipanik che uyaʼom ri Dios.

1. ¿Jas taq tewchibʼal kuriq jun winaq che kʼulan taj?

Ri Biblia kubʼij: «Jekʼuriʼ we kkʼuliʼ rukʼ ri uyaʼom chi utzij che, utz ri kubʼano, we kʼu ne man kkʼuliʼk, sibʼalaj utz na ri kubʼano» (chasikʼij 1 Corintios 7:32, 33, 38). ¿Jasche are más «utz na» we kkʼuliʼ ta jun winaq? Ri e kʼulan taj kechoman ta chrij ri kajwataj che jun achajil o ixoqil. Rumal laʼ kʼo más kʼi kekunik kkibʼano. Ri e kʼulan taj kkiriq ta más kʼax che upatanexik ri Jehová. Jun kʼutbʼal, kekunik kebʼe pa jun chi tinamit, rech kkitzijoj ri utzij ri Dios. Y kekunik kkiya más kitiempo che unimarisaxik ri kachilanik rukʼ ri Jehová.

2. ¿Jas utzilal kuriq jun kʼulaj we kkʼuliʼ pa ri qʼatbʼal tzij?

Junam kukʼ ri e kʼulan taj, ri e kʼulanik xuqujeʼ kkiriq utzilal. Ri Biblia kubʼij «are kʼo na kipatan kebʼ chuwach xa jun» (Eclesiastés 4:9). Are waʼ ri utzilal kkiriq ri e kʼulanik más na we kkibʼan ri kubʼij ri Biblia. Ri e kʼulan pa ri qʼatbʼal tzij kkibʼij che kkiloqʼoqʼej kibʼ, nim kkil wi kibʼ y kkichajij kibʼ. Rumal laʼ más kkiriq utzilal chkiwach ri xaq kukʼam kibʼ y che e kʼulan taj. Xuqujeʼ kubʼano che kkiriq ta kʼax ri akʼalabʼ.

3. ¿Jas kuchomaj ri Jehová chrij ri kʼulanem?

Are chiʼ ri Jehová xeʼukʼulbʼaʼ ri nabʼe taq winaq xubʼij: «Rumal kʼu riʼ ri achi keʼuya kan ri utat unan rech katuniʼ rukʼ ri rixoqil» (Génesis 2:24). Ri Jehová kraj che ri achajil y ri ixoqil kkiloqʼoqʼej kibʼ y amaqʼel kkukʼaj kibʼ. Xaq xiw kuya bʼe che jun kʼulaj kkijach kibʼ we jun chke kmakun rukʼ jun chi winaq. Are kʼu ri Dios kubʼij che ri kʼo ta umak kkunik kujach bʼi ri ukʼulaj we kraj (Mateo 19:9). a Ri Jehová itzel krilo are chiʼ jun achi o jun ixoq kʼo e kʼi ukʼulaj (1 Timoteo 3:2).

 CHANIMARISAJ RI AWETAʼMANIK

5. Utz chabʼanaʼ che uchaʼik ri akʼulaj

Sibʼalaj nim ubʼanik che utz kabʼan che uchaʼik ri winaq che kawaj katkʼuliʼ rukʼ. Chisikʼij Mateo 19:4-6, 9 y chixtzijon chrij wariʼ:

• ¿Jasche jun cristiano rajawaxik utz kubʼan che uchaʼik ri ukʼulaj?

Ri Biblia kubʼij jas taq bʼantajik rajawaxik kukʼut jun achajil o jun ixoqil. Are más utz we katzukuj jun winaq che qas kuloqʼoqʼej ri Jehová. b Chisikʼij 1 Corintios 7:39 y 2 Corintios 6:14. Tekʼuriʼ chixtzijon chrij wariʼ:

• We jun qastzij cristiano kraj kkʼulik, ¿jasche rajawaxik are kutzukuj jun winaq che junam ri ukojonik rukʼ?

• We kkʼuliʼ rukʼ jun winaq che kuloqʼoqʼej ta ri Jehová, ¿jas kunaʼ riʼ ri Jehová kachomaj at?

 6. Nim chawilaʼ ri kʼulanem junam rukʼ ri Jehová

Pa ri ojer Israel, ri israelitas xekiya kan ri kixoqilal rumal jun jastaq che nim ta ubʼanik. Chisikʼij Malaquías 2:13, 14, 16 y chixtzijon chrij wariʼ:

• ¿Jasche itzel kril ri Jehová ri winaq che kujach kan ri ukʼulaj rumal jun jastaq che nim ta ubʼanik?

Chiwilaʼ ri VIDEO y chixtzijon chrij wariʼ:

• We at kʼulan rukʼ jun winaq che kupatanij ta ri Jehová, ¿jas rajawaxik kabʼano rech kariq kikotemal pa ri akʼulanem?

7. Chanimaj ri taqanik che kuya ri Jehová chrij ri kʼulanem

 RI XQETAʼMAJ

Ri soltería y ri kʼulanem are jun sipanik che uyaʼom ri Jehová. Ri e kʼulanik o ri e kʼulan taj konojel kekunik kkiriq kikotemal we keniman che ri Dios.

¿La knaʼtaj chawe?

• ¿Jas kubʼan jun winaq che kʼulan taj rech utz kubʼan che ukojik ri utiempo?

• ¿Jasche ri Biblia kubʼij che ri cristiano rajawaxik kkʼuliʼ rukʼ jun winaq che junam ri kikojonik rukʼ?

• Junam rukʼ ri kubʼij ri Biblia, ¿jas kbʼanowik che jun kʼulaj kkijach kibʼ?