Ri oj qastzij cristianos kʼo ta kojqʼaten che uqʼijilaxik ri Jehová. Qas qetaʼm che at xuqujeʼ kabʼan wariʼ, y ri Jehová nim kril wi ri sukʼilal che kakʼutu (chasikʼij 1 Crónicas 28:9). ¿Jas jastaq kubʼano che weneʼ katux ta sukʼ che ri Dios? ¿Y jas rajawaxik kabʼano?

1. ¿Jas weneʼ kkibʼan ri winaq rech kqakʼut ta sukʼilal che ri Jehová?

E jujun taq winaq kkaj kqaya kan upatanexik ri Jehová. ¿E jachin taq riʼ ri kkaj kqaya kan upatanexik ri Jehová? E are ri winaq che kiyaʼom kan ri qastzij qʼijilanik y kkimol tzij chrij ri utinamit ri Dios rech kkisachisaj uwach ri qakojonik. Ri winaq riʼ kbʼix apóstatas chke. Xuqujeʼ kʼo jujun taq kʼamal bʼe re nikʼaj chi kojonem che kkimol tzij rech kqaya kan ri qastzij qʼijilanik. We kojtzijon kukʼ ri winaq che utz ta kkil ri utinamit ri Dios, kqasikʼij ri kiwuj o kqil ri kkiya pa Internet sibʼalaj kubʼan kʼax che ri qakojonik. Rumal laʼ ri Jesús xubʼij: «Cheʼiya kanoq. E moyabʼ kkikʼam kʼu kibʼe nikʼaj moyabʼ chik. We ri moy kukʼam ubʼe ri moy, ri e kebʼ ketzaq pa jun jul» (Mateo 15:14).

¿Jas kqabʼano we jun qafamiliar o jun qachiʼl kraj ta chik kux testigo rech Jehová? Sibʼalaj kojbʼison riʼ rumal. Chilaʼ kqakʼut wi jachin ri más kqaloqʼoqʼej: la are ri Jehová o are ri winaq. Are kʼu ri oj kqaj kqakʼut sukʼilal chuwach ri Jehová pa ronojel ri jastaq (Mateo 10:37). Rumal laʼ kqanimaj ri taqanik che xuya kan ri Jesús che keqachilaj ta ri winaq riʼ (chasikʼij 1 Corintios 5:11).

2. ¿Jas kqabʼan che ukʼutik rukʼ ri kqachaʼ ubʼanik che oj sukʼ che ri Jehová?

Sibʼalaj kqaloqʼoqʼej ri Jehová, rumal laʼ kqaya taj che ri qachak, ni ri organizaciones o ri kqachaʼ ubʼanik kʼo kril rukʼ ri qastzij taj kojonem. Ri Jehová kubʼij wariʼ che ri utinamit: «Chixel bʼik pa ri Babilonia», kraj kubʼij, ri e qastzij taj kojonem (Apocalipsis 18:2, 4).

 CHANIMARISAJ RI AWETAʼMANIK

3. Chachajij awibʼ chke ri winaq che kkikʼut ta ri qastzij

¿Jas kqabʼano we kqato che tajin kbʼix jujun taq jastaq chrij ri utinamit ri Jehová? Chisikʼij Proverbios 14:15 y chixtzijon chrij wariʼ:

• ¿Jasche rajawaxik qas kojchomanik y kqakoj ta ronojel ri kbʼix chqe?

Chisikʼij 2 Juan 10 y chixtzijon chrij wariʼ:

• ¿La utz kojtzijon kukʼ ri apóstatas?

• Paneʼ qas ta kukʼ ri apóstatas kojtzijon wi; are kʼu, ¿jas kubʼan pa ri qakʼaslemal ri kkikʼutu?

• ¿Jas kachomaj at, jas kunaʼ riʼ ri Jehová are chiʼ kqakoj ri molom tzij che kbʼix chrij ri areʼ y ri utinamit?

4. Chakʼutuʼ sukʼilal che ri Dios chiʼ jun qachalal kqaj pa mak

¿Jas rajawaxik kqabʼano are chiʼ jun chke ri qachalal pa ri congregación kubʼan jun nimalaj mak? Chqilaʼ jun pixabʼ che xuya ri Dios chke ri israelitas ojer kanoq. Chisikʼij Levítico 5:1.

Junam rukʼ ri kubʼij wajun versículo riʼ, we kqato che jun qachalal xubʼan jun nimalaj makaj, rajawaxik kqaya ubʼixik chke ri kʼamal taq bʼe. Are kʼu, nabʼe rajawaxik kojtzijon rukʼ ri qachalal y kqabʼij che, che ktzijon kukʼ ri kʼamal taq bʼe y kubʼij chke ri makaj che xubʼano. We kubʼan taj, oj rajawaxik kojtzijon kukʼ ri kʼamal taq bʼe. Rumal che kqaj kqakʼut sukʼilal che ri Jehová. We kqaya ubʼixik ri umak jun qachalal, ¿jasche wariʼ are jun kʼutbʼal re loqʼoqʼebʼal y sukʼilal che...

• ... ri Jehová?

• ... ri winaq che xmakunik?

• ... ri congregación?

 5. Chatel lo pa ri qastzij taj kojonem

 RI XQETAʼMAJ

We kqaj kojux sukʼ che ri Jehová, rajawaxik keqachilaj ta ri winaq che kkiya kan upatanexik. Xuqujeʼ rajawaxik kqabʼan ta nijun jastaq che kʼo ubʼanik rukʼ ri qastzij taj kojonem.

¿La knaʼtaj chawe?

• ¿Jasche utz taj kqilo, kqasikʼij o kqatatabʼej ri kkibʼij ri apóstatas?

• ¿Jas kqabʼan che kilik ri winaq che kkaj ta chik keʼux testigos rech Jehová?

• ¿Jas rajawaxik kqabʼano rech kqaxutuj apachike jastaq che kʼo ubʼanik rukʼ ri qastzij taj kojonem?