«Ri e utzalaj taq winaq kakechbʼej na ri ulew kejeqiʼ kʼu na chuwach chbʼe qʼij saq» (Salmo 37:29).

¿Jas ri kraj ri Dios chke ri winaq?

• Génesis 1:28

  Dios xraj che ri e winaq kkibʼan jun utzalaj kʼolbʼal che ri uwach Ulew xuqujeʼ kekichajij ri e chikop.

• Isaías 46:9-11; 55:11

  Dios kubʼan na ri urayibʼal, xuqujeʼ kʼo ta kkun che uqʼatexik rech kubʼan taj.

«Ronojel kʼu ri uwach Ulew kʼo pa uqʼabʼ ri itzel» (1 Juan 5:19).

¿Jachin kuqʼat tzij pa uwiʼ ri uwach Ulew?

• Juan 12:31

  Jesús xubʼij che Satanás are ri qʼatal tzij re wajun uwach Ulew riʼ.

• Santiago 1:13-15

  Satanás xraj jun jastaq che taqal ta che.

• Génesis 2:17; 3:1-6

  Satanás xusachisaj ri uchomanik ri Eva. Adán xuqujeʼ Eva xkinimaj ta ri Dios kʼisbʼal re xekamik.

• Romanos 3:23; 5:12

  Kojkamik rumal che Adán xuqʼaxej kan ri makaj chqe.

• 2 Corintios 4:3, 4

  Satanás kusach ri kichomanik ri e winaq.

«Chpet ri ajawibʼal la [...] cho ri uwach Ulew» (Mateo 6:10).

¿Jas kubʼan Jehová che ubʼanik?

• Daniel 2:44

  Ri Rajawbʼal ri Dios keresaj na konojel ri e qʼatal taq tzij.

• Apocalipsis 16:14-16

  Dios kusachisaj ronojel uwach itzelal pa ri chʼoj re Armagedón.

• Isaías 9:6, 7

  Jehová uchaʼom ri Jesús che Ajawinel re ri Rajawbʼal kʼo pa ri kaj. Jesús kuqʼat na tzij pa uwiʼ ri uwach Ulew.

«Kejaq ri qʼabʼ la, rukʼ kʼu utzalaj rayibʼal la ketzuq la konojel ri e kʼaskʼoj» (Salmo 145:16).

¿Jas kubʼan na ri Rajawbʼal ri Dios pa qawiʼ oj?

• Salmo 46:9

  Ri chʼoj, ri elaqʼ xuqujeʼ ri kamisanik ksach na uwach.

• Isaías 32:18; 65:21-24

  Pa ri kʼakʼ uwach Ulew, qonojel kojkʼojiʼ pa jamaril, xuqujeʼ kkʼojiʼ utz taq qachoch rukʼ utzalaj taq kotzʼiʼj.

• Salmo 72:16

  Konojel kʼo kkitijo.

• Isaías 11:6-9

  Ri e winaq xuqujeʼ ri e chikop kekʼojiʼ pa jamaril.

• Isaías 33:24; Hechos 24:15

  Kʼo ta chi jun yawabʼ, xuqujeʼ kewalij na lo ri kaminaqibʼ.