«Chpet ri ajawibʼal la. Chbʼan ri rayibʼal la cho ri uwach Ulew, jachaʼ ri kabʼan chikaj» (Mateo 6:9-13).

¿Jas riʼ ri Rajawbʼal ri Dios?

• Apocalipsis 11:15

  Ri Rajawbʼal ri Dios kajawin lo pa ri kaj pa uwiʼ ri uwach Ulew.

• 1 Timoteo 6:15

  Jesús are ri Ajawinel re ri Rajawbʼal ri Dios.

• Apocalipsis 14:1, 4

  Kekʼojiʼ 144.000 winaq rukʼ ri Jesús rech kkiqʼat tzij pa ri kaj.

• Hebreos 4:15; 5:8

  Jesús rukʼ ri 144.000 kkichʼobʼ ri kqanaʼo xuqujeʼ ri kʼax kqariqo.

«Kuqʼat na tzij rukʼ sukʼil pa kiwiʼ ri tuqaribʼ» (Isaías 11:4).

¿Jasche are Jesús ri utzalaj Ajawinel kkʼojiʼ pa ri Rajawbʼal ri Dios?

• 1 Timoteo 6:16

  Konojel ri ajawinelabʼ che e winaq kekamik. Are kʼu Jesús kkam taj. Rumal laʼ ronojel ri utz taq jastaq che kubʼan Jesús pa qawiʼ kkʼis taj.

• Isaías 11:2-4

  Jesús kkunik kubʼan más utz taq jastaq pa qawiʼ chuwach jun qʼatal tzij che xa winaq. Xuqujeʼ, areʼ kʼo más ukunem chkiwach konojel ri ajawinelabʼ. Xuqujeʼ areʼ sukʼ xuqujeʼ kutoqʼobʼisaj wachaj.

«Ri Dios ri kʼo pa ri kaj kujeqebʼaʼ na jun ajawibʼal ri mawi jubʼiqʼ kasachisax ta uwach» (Daniel 2:44).

¿Jas ri ubʼanom chi Rajawbʼal ri Dios kimik? ¿Jas ri kubʼan na pa ri petinaq?

• Apocalipsis 12:7-12

  Are chiʼ kojom chi ri Jesús che Ajawinel pa ri junabʼ 1914, xukʼaq lo Satanás pa ri uwach Ulew. Rumal laʼ sibʼalaj kqariq kʼax.

• Eclesiastés 8:9; Apocalipsis 16:16

  Pa ri chʼoj ubʼiʼ Armagedón, ri Rajawbʼal ri Dios kusachisaj kiwach ri ajawinelabʼ che e winaq.

• Salmo 37:10

  Dios kusachisaj kiwach konojel ri winaq che kkaj taj kkikʼex ri kikʼaslemal.

• Apocalipsis 22:1-3

  Are chiʼ ri Ajawbʼal kajawin pa uwiʼ ri uwach Ulew, konojel ri winaq utz kiwach, kʼo kikʼaslemal che kʼo ta ukʼisik xuqujeʼ nim kkil wi ri ubʼiʼ ri Dios.