«¡Mawi machomaxik chi ri Dios, ri kʼo ronojel ukuʼinem, chubʼanaʼ ri lawaloyil o chuchakuj ta ri ma ta sukʼilal!» (Job 34:10).

¿Jasche kʼo kʼi kʼaxkʼolil cho ri uwach Ulew?

• 1 Juan 5:19

  Satanás are ri qʼatal tzij pa uwiʼ ri uwach Ulew.

• Eclesiastés 8:9

  E kʼo winaq che kkibʼan kʼax chke nikʼaj chik winaq.

• Eclesiastés 9:11

  Jujun mul kqariq kʼax rumal ri qas ta utz ri tiempo o ri lugar che oj kʼo wi.

• 1 Pedro 5:7

  Jehová kojuloqʼoqʼej xuqujeʼ kunaʼ kʼax are chiʼ krilo che kqariq kʼaxkʼolil.

«Ri Dios qas retaʼm chi aretaq kitij iwe ri uwach we cheʼ riʼ, kakʼojiʼ inoʼj che retaʼmaxik ri utz xukujeʼ ri man utz taj, je kʼu riʼ kixux jachaʼ ri Dios» (Génesis 3:5).

¿Jasche Jehová xusachisaj ta uwach Satanás pa ri qʼij riʼ?

• Génesis 3:2-5

  Satanás xubʼij che Dios are jun itzel ajawinel. Satanás kraj che ri winaq kkichomaj che areʼ kekunik kkichaʼ ri utz xuqujeʼ ri utz taj. Dios xuyaʼo che kqʼax kʼiʼalaj tiempo rech kqʼalajinik che Satanás are jun bʼanal tzij.

• Job 38:7

  Satanás xumol tzij chrij ri Jehová chkiwach e millones re ángeles.

«Ri winaq man pa uqʼabʼ taj kʼo wi ri ukʼaslemal, chi man kʼo ta utaqanik puwiʼ ri ubʼinem» (Jeremías 10:23).

¿Jasche ri e winaq tajin kkiriq kʼax pa kʼiʼalaj tiempo?

• Isaías 55:9

  Ri e winaq kilom kʼi uwach qʼatoj taq tzij, are kʼu kekun ta che uqʼatik tzij pa uwiʼ ri uwach Ulew we kʼo ta ri utobʼanik ri Dios kukʼ.

• 2 Pedro 3:9, 10

  Jehová kʼo sibʼalaj upaciencia rumal che uyaʼom nim tiempo rech kojkunik kqachʼobʼ uwach xuqujeʼ kqachaʼ che qajawinel.

• 1 Juan 3:8

  Rumal ri Jesús, Jehová kusukʼumaj ronojel kʼax ubʼanom Satanás.

«Chatux ajnoʼj, nukʼojol, [...] jeriʼ kinkuʼinik kʼo kintzelej na ubʼixik chke ri kakibʼan il patan chwe» (Proverbios 27:11).

¿Jasche rukʼ ta chuqʼabʼ kraj Jehová kqapatanij?

• Proverbios 30:24

  Ri e chikop xaq pa ke wi kkibʼan ri jastaq. Are kʼu Jehová uyaʼom chqe che kqachaʼ ri kqabʼano. Kojkunik kqachaʼ kqapatanij o kqapatanij taj.

• Mateo 22:37, 38

  Jehová kraj che kqapatanij rukʼ loqʼoqʼebʼal.