«Ri kaminaqibʼ mawi kʼo ketaʼm mawi kʼo jas kakichʼako» (Eclesiastés 9:5).

¿Jas kqakʼulmaj are chiʼ kojkamik?

• Salmo 146:3, 4; Eclesiastés 9:6, 10

  Are chiʼ kojkamik, kojkun ta chik kojkaʼyik, kojchomanik xuqujeʼ kqata ta chik.

• Juan 11:11-14

  Jesús xujunamaj ri kamikal rukʼ ri waram.

«Matij awe ri uwach ri cheʼ riʼ, we katijo qastzij katkam na» (Génesis 2:17).

¿Jasche kojkamik?

• Génesis 3:1-6

  Satanás xubʼij molom tzij che Eva chrij ri kkikʼulmaj we kkinimaj ta ri Dios. Are chiʼ Adán xuqujeʼ Eva xkinimaj ta ri Dios, xemakunik xuqujeʼ xekamik.

• Génesis 3:19

  Are chi Adán xkamik, xsach uwach.

• Romanos 5:12

  Ri makaj kjunamataj rukʼ jun itzelalaj yabʼil che xkiya kan ri nabʼe taq qatat qanan chqe. Qonojel oj ajmakibʼ are chiʼ kojalaxik rumal laʼ kojkamik.

• 1 Corintios 15:26

  Ri Biblia kubʼij che ri kamikal are jun kʼulel.

«We kakam jun winaq, ¿la kakʼasiʼ ta chi lo jumul?» (Job 14:14).

¿Jas molom tzij kojresaj wi retaʼmaxik ri qastzij chrij ri kamikal?

• 1 Juan 4:8

  Ri kʼutunik chrij ri infierno kuyoqʼ ri Jehová. Areʼ kʼo ta jumul kubʼan chqe che kqariq kʼax.

• Apocalipsis 4:11

  Kʼi chke ri winaq kkixibʼij kibʼ chke ri kaminaqibʼ, rumal laʼ are kekiqʼijilaj e areʼ chuwach ri Jehová. Jehová are ri qastzij Dios, rajawaxik che xaq xiw areʼ kqaqʼijilaj.