«Ukʼ la kʼo wi ri ukʼiyibʼal jaʼ re kʼaslemal» (Salmo 36:9).

¿Jas kqabʼan che ukʼutik che nim kqil wi ri kʼaslemal?

• Hechos 17:28; Apocalipsis 4:11

  Ri kʼaslemal are usipanik Jehová, rumal laʼ rajawaxik nim kqil wi.

• Éxodo 21:22, 23; Deuteronomio 5:17

  Ukamisaxik jun winaq xuqujeʼ ri aborto are e mak.

• 1 Juan 3:11, 12, 15

  Utz taj che itzel kqil jun chi winaq.

• 2 Corintios 7:1

  Rajawaxik kqesaj ri utijik sikʼ, ri ukojik drogas o nikʼaj chik.

• Salmo 11:5

  Kqabʼan ta etzʼanem che kuya ri kʼaslemal pa kʼax.

«Kʼo kʼu jun jasach ri man kuya taj kitijo: ri tiʼj rachil ri ukikʼel» (Génesis 9:4).

¿Jas kuchomaj ri Dios chrij ri kʼaslemal xuqujeʼ ri kikʼ?

• Génesis 4:10; Deuteronomio 12:23

  Ri kikʼ are ri kʼaslemal.

• Génesis 9:3, 4

  Kojkunik kqatij tiʼj, are kʼu ri kikʼ kqatij taj.

• Hechos 15:28, 29; 21:25

  Ri utaqanik ri Dios che ktij ta kikʼ xuqujeʼ kchʼaw chrij ri ukojik pa ri kunabʼal.

• Hebreos 11:6

  Ri qachilanik rukʼ Jehová are ri más nim ubʼanik chqawach.

«Are kʼut ri ukikʼel ri uKʼojol, ri areʼ ri Jesucristo, keresaj na konojel ri qamak» (1 Juan 1:7).

¿Jas kojkunik kqariqo rumal ri tojbʼal mak xuya Jesús?

• Levítico 17:11

  Pa taq ri qʼij che xtzʼibʼax ri Biblia, ri israelitas kekunik kkiriq sachbʼal kimak chuwach ri Jehová we kkiya jun chikop che tojbʼal mak xuqujeʼ ri kojol tabʼal toqʼobʼ kutix ri ukikʼel ri chikop pa uwiʼ ri altar.

• Mateo 20:28; Hebreos 9:11-14

  Jesús xuya ri ukʼaslemal o ri ukikʼel rech kojkunik kqariq sachbʼal qamak. Rukʼ ri ukamikal ri Jesús, ri taqanik chrij ri tojbʼal mak kech ri e chikop ksach uwach.

• Juan 3:16

  Ri ukʼaslemal ri Jesús sibʼalaj nim rajil. Rumal laʼ, are chiʼ kʼastajisam chik, Jehová kuya jun kʼaslemal che kʼo ta ukʼisik chke konojel ri kekojon chrij ri Jesucristo.