«Chixok chupam ri okibʼal ri latzʼ uwach» (Mateo 7:14).

¿Jasche qetaʼm che Dios kukʼam ta ronojel ri e kojonem?

• Mateo 7:21-23

  Dios kukʼam ta ri qʼijilanik che jeʼ ta kbʼan che junam rukʼ ri kraj areʼ.

• Mateo 7:13, 14

  Ri qastzij qʼijilanik kojukʼam bʼi pa jun kʼaslemal che kʼo ta ukʼisik. Ri qastzij taj qʼijilanik kojukʼam bʼi pa ri sachbʼal wachaj.

• Mateo 7:16, 17

  Kojkunik kqetaʼmaj chrij ri qastzij qʼijilanik rumal ri uwachinik kuyaʼo. Rajawaxik taj che kqetaʼmaj chrij ronojel ri e qʼijilanik, xaq xiw rajawaxik kqetaʼmaj ri kubʼij ri Biblia.

• 1 Tesalonicenses 2:13; 2 Timoteo 3:16, 17

  Xaq xiw chakojoʼ xuqujeʼ chakʼutuʼ ri kubʼij ri Biblia.

• Mateo 4:10; Juan 17:6

  Chaqʼijilaj ri Jehová xuqujeʼ chakojoʼ ri ubʼiʼ.

• Juan 13:35

  Cheʼaloqʼoqʼej ri kepatanin che ri Dios.

• Juan 3:36; Hechos 4:12

  Chanimaj ri Jesús. Dios kukoj ri Jesús che qakolik.

• Juan 18:36; Hechos 5:29

  Kayuj ta awibʼ pa ri política.

• Mateo 6:10; 24:14

  Chakʼutuʼ chkiwach nikʼaj chi winaq che xaq xiw ri Rajawbʼal ri Dios kusukʼumaj ronojel kʼax.

¿Jas rajawaxik kabʼano rech ri Dios kukʼam ri aqʼijilanik?

• Santiago 2:19

  Xaq xiw taj che katkojon chrij ri Dios. Rajawaxik kanimaj ri kubʼij ri Jehová pa ri Biblia.

• Isaías 52:11; Apocalipsis 17:5

  Ri qastzij taj qʼijilanik o «Nimalaj Babilonia» kukʼut jun qʼijilanik chkiwach ri winaq che utz ta kril ri Dios. Jun kʼutbʼal, jun chke ri kʼutunem che utz taj are ri Trinidad, che kʼo qanimaʼ che kkam taj xuqujeʼ ri infierno.

• Apocalipsis 18:4, 8

  Jehová naj ta chik kusachisaj kiwach ri e kojonem che e qastzij taj. Rajawaxik kaxutuj ronojel ri kʼo ubʼanik rukʼ ri qʼijilanik che qastzij taj.

• Marcos 10:28-30

  Weneʼ e kʼo winaq utz ta kkilo che kapatanij ri Jehová, are kʼu areʼ katuya ta kanoq.