Chike konojel ri kkiloqʼoqʼej ri Jehová:

Jesús xubʼij: «[Ix] kiwetamaj kʼu na ri qastzij, areʼ kʼu ri qastzij kixtzoqopin na» (Juan 8:32). ¡Sibʼalaj utz täq tzij! Qastzij wi, qonojel kojkunik kqachʼobʼ ri qastzij, pa neʼ öj kʼo pa kʼäx, rumal «ri kʼisbʼal täq qʼijol» che e kʼiyinaq ri kkibʼij ta ri qastzij (2 Timoteo 3:1). Xuqujeʼ, weneʼ knaʼtaj ri kikotemal xuya chaqe chiʼ xqetaʼmaj ri qastzij che kʼo pa ri Utzij ri Ajawaxel. ¡Are jun utz jastaq riʼ che xqariqo!

Tekʼuriʼ xaq xiw ta utz xqetaʼmaj ri qastzij xuqujeʼ kqabʼij chike ri winaq. Are sibʼalaj rajawaxik che kqabʼan pa ri qakʼaslemal. Qastzij wi, rajawaxik kqakoj qachoqʼabʼ rech kresaj ta ri uloqʼoqʼenik ri Ajawaxel chaqe. Tekʼuriʼ ¿jas kqabʼano rech kresaj ta ri uloqʼoqʼenik ri Ajawaxel chaqe? Pa ri kʼisbʼal aqʼabʼ chiʼ kʼo waral pa ri uwach Ulew ri Jesús xuya ubʼixik chirij wariʼ, chiʼ xubʼij chike ri e sukʼ apóstoles: «We kinimaj ri e nutaqomal, kixjeqiʼ na pa ri loqʼoqʼebʼal nukʼuʼx, jas ri in xuqujeʼ e nunimam ri e utaqomal ri Nutat, in jeqel pa ri loqʼoqʼebʼal ukʼuʼx» (Juan 15:10).

Chqilaʼ ri xubʼan ri Jesús rech xresaj ta ri uloqʼoqʼenik ri Ajawaxel che. Are xunimaj ri utaqonik ri Utat. Xuqujeʼ are utz kqabʼan öj. Rech kresaj ta ri uloqʼoqʼenik ri Ajawaxel chaqe, are utz kqabʼan ri qastzij chiʼ kqabʼan ronojel ri jastaq. Pa ri kʼisbʼal aqʼabʼ chiʼ kʼo pa ri uwach Ulew ri Jesús xubʼij wariʼ: «We iwetaʼm we jastaq riʼ, ix tewichitalik we kibʼano» (Juan 13:17).

Ri qas kqaj are che wajun wuj riʼ kojutoʼ qonojel che ubʼanik ri qastzij pa ri qakʼaslemal rech kresaj ta «ri loqʼoqʼebʼal ukʼuʼx ri Dios [...] chqe, xuqujeʼ ri junalik kʼaslemal ri ubʼim chqe» (Judas 21).