Are chiʼ majaʼ kaya ri etaʼmanik

1. 1. Qas chatijoj awibʼ. Chatchoman chrij ri rajawaxik che ri tijoxel, ri ubʼantajik ri ukʼaslemal y ri ukojonem. ¿La kʼo qas ta kkunik kuchʼobʼo o che kʼax kubʼan pa ri ukʼaslemal? Chawilaʼ ri e kʼutunem y videos rech ri sección «Chanimarisaj ri awetaʼmanik» y chatchoman chrij ri kubʼan che utoʼik ri tijoxel. Jeriʼ katkunik kakoj rukʼ pa ri tijonik, we rajawaxik.

Pa ri etaʼmanik

1. 2. We ri tijoxel kraj, chabʼanaʼ jun chʼawem are chiʼ kimajij y are chiʼ kikʼiso.

2. 3. Chakojoʼ achuqʼabʼ rech xaq xiw ta at katchʼawik xaneʼ xuqujeʼ chayaʼ bʼe che ri tijoxel ktzijonik. Y xaq xiw chatchʼaw chrij ri kubʼij ri kʼutunem.

3. 4. Are chiʼ kimajij jun kʼakʼ sección, chasikʼij ri chomanik nim ubʼanik y chasikʼij ri kibʼiʼ e jujun kʼutunem.

4. 5. Are chiʼ kikʼis jun sección, chakojoʼ ri repaso rech katoʼ ri tijoxel che unaʼtasaxik ri xretaʼmaj.

5.  6. Are chiʼ kiwil pa jujunal ri e kʼutunem:

   1. Chisikʼij uwach ri nabʼe taq párrafos.

   2. Chisikʼij uwach ronojel ri texto che kubʼij «Chisikʼij».

   3. Chisikʼij uwach nikʼaj chi texto che kʼo pa ri kʼutunem we rajawaxik.

   4. Chiwilaʼ konojel ri videos che rukʼam ri tzij «Chiwilaʼ» (we kuya kabʼano).

   5. Chabʼanaʼ ronojel ri preguntas.

   6. Pa junamam chiwilaʼ ri e wachbʼal re ri sección «Chanimarisaj ri awetaʼmanik».

   7. Chakojoʼ ri recuadro «Chabʼanaʼ wariʼ» rech ri tijoxel kril ri ubʼanom chik. Chabʼij che, che kukoj umetas. Weneʼ jun chke ri kʼo pa ri recuadro o jun chik.

   8. Chataʼ che we kʼo jun chke ri kʼutunem o video re ri sección «Chawilaʼ chi nikʼaj» utz xrilo are chiʼ xutijoj ribʼ.

   9. Chawilaʼ we kixkunik kiwil ronojel jun kʼutunem pa jun etaʼmanik.

Are chiʼ kkʼis ri tijonik

1. 7. Qas chatchoman na chrij ri tijoxel. Chataʼ che ri Jehová che kutewchij ri tajin kubʼan pa ri retaʼmanik y che kuya anojibʼal rech katkunik katoʼ ri tijoxel.