Pablo xuqujeʼ Silas xkibʼixoj bʼix che Jehová are chiʼ e kʼo pa cheʼ (Hch 16:25). Pa ri e junabʼ che majaʼ naj, ri e qachalal xkibʼixoj e bʼixonem rech ri Ajawbʼal are chiʼ e kʼo pa taq campo re concentración re Sachsenhausen, pa ri Alemania nazi, xuqujeʼ are chiʼ e kʼo pa Siberia. Ri e kʼutbʼal riʼ kukʼut ri ukunem ri e bʼixonem rech uyaʼik kichuqʼabʼ ri e cristianos che uchʼijik ri e kʼax.

Ri kʼakʼ wuj re bʼixonem, ubʼiʼ Cantemos con gozo a Jehová, pa kebʼ oxibʼ tiempo kbʼan pa kʼi chʼabʼal. Are chiʼ kul ri wuj, kojkunik kqatijoj qibʼ che ri e bʼixonem pa ri qʼijilanik pa ri familia rech kkanaj kan ri letra pa qajolom (Ef 5:19). Rech je riʼ, are chiʼ kqariq kʼax, ri uxlabʼixel kojutoʼ rech knaʼtaj ri letra pa qajolom. Ri bʼixonem re Ajawbʼal kojkitoʼ rech kojchoman chrij ri qeyebʼal. Kkiya qachuqʼabʼ are chiʼ oj kʼo pa kʼax. Xuqujeʼ are chiʼ utz qawach, ri utzalaj taq letras kubʼan chqe che rukʼ «más kikotemal kojbʼixonik» rumal che sibʼalaj kojkikotik (1Cr 15:16; Sl 33:1-3). Rumal laʼ, chqakojoʼ qachuqʼabʼ rech kqakoj ri e bʼixonem rech Ajawbʼal.

CHAWILAʼ RI VIDEO JUN BʼIXONEM CHE XUTʼOQOPIJ RI CADENAS TEKʼURIʼ CHABʼANAʼ RI E PREGUNTAS RIʼ:

• ¿Jas ri xubʼan che ri qachalal Frost rech xutzʼibʼaj jun bʼixonem?

• ¿Jas xubʼan ri bʼixonem che uyaʼik kichuqʼabʼ ri e qachalal pa ri campo re concentración re Sachsenhausen?

• ¿Pa jas jastaq kkun ri e bʼixonem re Ajawbʼal kuya achuqʼabʼ kimik?

• ¿Jas bʼixonem re Ajawbʼal kawaj kaya pa ajolom?