QAKʼASLEMAL RI OJ CRISTIANOS
Chakojoʼ achuqʼabʼ che uriqik ri tijonik che kuya ri Jehová
JASCHE NIM UBʼANIK. Jehová, ri Nimalaj Ajtij, kuya ri qas utzalaj tijonik chqe. Kojutijoj che ri jeʼlalaj kʼaslemal che utzujum pa ri petinaq, xuqujeʼ kukʼut chqawach ri kqabʼan che uriqik jun utz kʼaslemal, xuqujeʼ kuta ta pwaq chqe (Isa 11:6-9; 30:20, 21; Ap 22:17). Rukʼ ri tijonik che kuya ri Jehová, areʼ kojutijoj rech kqakʼam bʼi chke nikʼaj chi winaq ri utzij che kukol ri kikʼaslemal (2 Co 3:5).
RI KQABʼANO
-
Chatchakun chrij ri machʼachʼem (Sl 25:8, 9).
-
Chakʼamaʼ ronojel ri tijonik che tajin kuya ri Jehová kimik, junam rukʼ ri chak che kyaʼ chke ri tijoxelabʼ pa ri riqbʼal ibʼ re xoʼl taq qʼij.
-
Chatzukuj upatanexik más ri Jehová (Flp 3:13).
-
Chayaʼ kan ri arayibʼal che katuqʼatej rech kyaʼ más tijonik chwe (Flp 3:8).
ARE CHIʼ IWILOM CHI RI VIDEO RI UTIJONIK RI JEHOVÁ KUBʼANO CHE KOJUX QʼINOM PA RI QAKOJONIK, CHAYAʼ UBʼIXIK CHRIJ RI PREGUNTAS RIʼ:
-
¿Jas e kʼax xkiqʼaxej e jujun publicadores rech kekunik kebʼe pa ri Tijobʼal chke ri kkiya ubʼixik ri Ajawbʼal?
-
¿Jas tijonik kyaʼ pa ri Tijobʼal chke ri kkiya ubʼixik ri Ajawbʼal?
-
¿Jas tobʼanik kiyaʼom ri e qachalal re ri kʼakʼ kicongregación ri e tzalijinaq pa ri Tijobʼal chke ri kkiya ubʼixik ri Ajawbʼal rech kukʼam kiwach?
-
¿Jas kajwatajik rech kbʼan bʼenam pa ri Tijobʼal chke ri kkiya ubʼixik ri Ajawbʼal? (kr-S 189).
-
¿Jas nikʼaj chi tijonik rech ri utinamit ri Jehová katkunik katbʼe wi?
¿Jas taq tewchibʼal kariqo we kakoj ronojel achuqʼabʼ rech kariq ri tijonik che kuya Jehová chawe?
