Xumajij pa wajun junabʼ riʼ más nim qatiempo kʼolik rech kqatijoj qibʼ che ri Conmemoración ri ukamikal ri Cristo. Are chiʼ ri Conmemoración kbʼan pa uxoʼl taq qʼij kbʼan ta ri riqbʼal ibʼ Qachak xuqujeʼ Qakʼaslemal ri oj Cristianos xuqujeʼ we kbʼan pa ri kʼisbʼal qʼij re ri semana, kyaʼ ta ri chʼabʼal xuqujeʼ ri etaʼmanik rech La Atalaya. ¿Jas kqabʼan más che ukojik wajun tiempo riʼ? Pa ri nabʼe siglo xuqujeʼ kimik rajawaxik kbʼan jujun jastaq rech kbʼan wajun nimaqʼij riʼ che nim ubʼanik (Lu 22:7-13; km 3/15 1). Are kʼu rajawaxik kqasukʼumaj ri qanimaʼ. ¿Jas kqabʼan che ubʼanik?

• Kojchoman chrij che nim ubʼanik are chiʼ kojopanik (1Co 11:23-26).

• Kqabʼan qachʼawem che ri Jehová xuqujeʼ kojchoman chrij ri qachilanik rukʼ (1Co 11:27-29; 2Co 13:5).

• Kqasikʼij uwach ri Biblia xuqujeʼ ri e wuj che esam chupam che kuya ubʼixik ri kraj kubʼij ri Conmemoración xuqujeʼ kojchoman chrij (Jn 3:16; 15:13).

E jujun publicadores kkisikʼij ri uwach ri e textos re ri Conmomeración che kʼo pa ri folleto Examinando las Escrituras diariamente xuqujeʼ kechoman chrij. E kʼo jujun kkikoj ri e versículos che kʼo pa ri recuadro che kʼo ikim xuqujeʼ nikʼaj chik kkinikʼoj e jujun etaʼmanik re ri wuj La Atalaya che kchʼaw chrij ri Conmemoración xuqujeʼ ri loqʼoqʼebʼal che ri Jehová xuqujeʼ ri Jesús xkikʼutu. Apachike wuj re etaʼmanik che kachaʼ unikʼoxik uwach katutoʼ rech katqebʼ más rukʼ ri Jehová xuqujeʼ ri uKʼojol.