Ri Jacob retaʼm che xaq xiw ri Jehová taqal che kyaʼ uqʼij, paneʼ kʼo ta jun taqanik che kubʼij chke che utz taj kkiya kiqʼij e diosibʼ (Éx 20:3-5). Rumal laʼ, are chiʼ Jehová xubʼij che ri Jacob che ktzalij pa Betel, Jacob xubʼij che ri ufamilia xuqujeʼ konojel ri e kʼo rukʼ che kekesaj bʼi ri e diosibʼ. Tekʼuriʼ Jacob xeʼumuq ri e diosibʼ riʼ xuqujeʼ ri wiqbʼal xikinaj che weneʼ xkikoj che uchajixik kibʼ (Gé 35:1-4). Ri xubʼan Jacob qas xqaj chuwach ri Jehová.

¿Jas kqabʼano rech xaq xiw ri Jehová kqaya uqʼij kimik? Nabʼe, rajawaxik kqaxutuj apachike jastaq che kʼo ubʼanik rukʼ kiqʼijilaxik taq diosibʼ o ri qʼijinik xuqujeʼ ri itzinik. Wariʼ kraj kubʼij che rajawaxik keqesaj bʼi apachike jastaq che kʼo qukʼ che kʼo ubʼanik kukʼ ri itzel taq uxlabʼal xuqujeʼ qas kqil na ri etzʼanem kqabʼano. Jun kʼutbʼal, chachomaj ri preguntas riʼ: «¿La kinsikʼij uwach libros o kinwil películas che kʼo vampiros, zombis o jastaq che kʼo itzel taq uxlabʼal chupam? ¿La kinetzʼan rukʼ jastaq che weneʼ kilitajik che utz are kʼu kʼo ubʼanik rukʼ ri magia, ri qʼijinik o ri itzinik?». Rajawaxik kqaxutuj ronojel ri itzel kril ri Jehová (Sl 97:10).

ARE CHIʼ AWILOM CHI RI VIDEO CHIQʼATEJ UWACH RI ITZEL, CHATZALIJ UWACH RI PREGUNTAS RIʼ:

• ¿Jas kʼax xuriq jun ixoq ubʼiʼ Palesa che tajin kretaʼmaj chrij ri Biblia?

• ¿Jasche rajawaxik kqatzukuj ri kitobʼanik ri kʼamal taq bʼe we kʼo kʼax tajin kqariq rumal jun jastaq che kʼo ubʼanik rukʼ ri qʼijinik o ri itzinik?

• We kqaj che ri Jehová kojuchajij, ¿jas rajawaxik kqesaj bʼik?

• ¿Jas xuchaʼ ubʼanik Palesa?

• Pa ri lugar che katel wi, ¿jas kabʼano rech kkibʼan ta kʼax ri itzel taq uxlabʼal chawe?