¿JASCHE NIM UBʼANIK? Ri e chaʼom xuqujeʼ ri e nikʼaj chi chij kekisikʼij konojel kiwach winaq rech kkikʼam «ri jaʼ rech kʼaslemal ri xaq ksipaxik» (Ap 22:17). Wajun jaʼ, che xa jun etal, kraj kubʼij ronojel ri e jastaq che ubʼanom ri Jehová rech keresaj ri e nimanel taq winaq pa uqʼabʼ ri makaj xuqujeʼ ri kamikal. Rech keqatoʼ ri e winaq che jalajoj uwach kikojonik xuqujeʼ kinaqʼatisabʼal, rajawaxik are kqil ri kajwataj chke are chiʼ kqaya ubʼixik «ri junalik tzij re kolobʼal ibʼ» chke (Ap 14:6).

¿JAS KQABʼAN CHE UBʼANIK?

• Chachaʼ jun kʼutunem xuqujeʼ jun texto re ri Biblia che qas kopan pa kanimaʼ ri e winaq re ri aterritorio. Katkunik kakoj jun chke ri e kʼutbʼal re tzijonem o kakoj jun chke ri awetaʼm che utz kkita ri e winaq. ¿Jas taq kʼutunem o textos re ri Biblia utz kkil ri e winaq? ¿Jas noticias kkilo, kkitaʼ o kkitzijoj ri e winaq kimik? ¿Jas chrij keʼok wi il ri achijabʼ? Xuqujeʼ, ¿jas chrij keʼok wi il ri ixoqibʼ?

• Are chiʼ kattzijon rukʼ jun winaq, chatchoman chrij ri kinaqʼatisabʼal xuqujeʼ ri kkibʼan che uchʼabʼexik kibʼ pa ri tinamit ri at kʼo wi (2Co 6:3, 4).

• Qas chawetaʼmaj ukojik ri e wuj xuqujeʼ ri videos re ri chakubʼal re tijonik, jeriʼ katkunik kakoj kukʼ ri e winaq che kʼo jun utz kanimaʼ.

• Chabʼanaʼ descargar videos xuqujeʼ e wuj pa ri kichʼabʼal ri e winaq re ri aterritorio.

• Chattzijon chrij jastaq che kajwataj che ri winaq (1Co 9:19-23). Jun kʼutbʼal, ¿jas kabʼij che jun winaq we kawetaʼmaj che kbʼisonik rumal che kʼateʼ xkam jun ufamiliar?

ARE CHIʼ AWILOM CHI RI VIDEO, CHATZALIJ UWACH RI E PREGUNTAS RIʼ:

• ¿Jas chrij xchʼaw wi ri publicador are chiʼ xumaj tzijonem?

• ¿Jas tajin kukʼulmaj ri winaq?

• ¿La utz ri texto xukoj ri publicador, xuqujeʼ jasche?

• ¿Jas kabʼan at rech ri e winaq re ri aterritorio qas utz kkitaʼ ri e jastaq che katzijoj chke?