Chachomajampeʼ che ri awachoch kʼo pa ri tinamit Galilea, pa taq ri uqʼij ri Jesús. Xatbʼe kʼa pa Jerusalén rech kawokʼosaj ri nimaqʼij rech Kabʼal. Kʼi chke ri achiʼl pa ri kojonik xkibʼan ri bʼinem pa ronojel ri tinamit, xuqujeʼ e kʼi ri winaq e kʼo pa Jerusalén. Chanim riʼ, kawaj kaya ri a sipanik che ri Jehová. Tekʼuriʼ katqʼax pa ri bʼe rumal che sibʼalaj latzʼ upam ri bʼe re ri tinamit, awukʼam bʼi jun kʼisikʼ. Are chiʼ katopan, pa ri loqʼalaj ja sibʼalaj e kʼi ri winaq katkun taj katqʼax chkixoʼl; sibʼalaj e kʼi ri winaq che kkaj kkiya ri kisipanik. Tekʼuriʼ at chik kajach ri kʼisikʼ chke ri ajkojol tabʼal toqʼobʼ. Tekʼuriʼ, are chiʼ kaya ri asipanik knaʼtaj chawe che jun qachalal, che weneʼ kʼo chkixoʼl ri e kʼi winaq o pa jun chi lugar re ri tinamit, che kʼo jun kʼax kunaʼ chawe. Jesús kuya ubʼixik ri rajawaxik kabʼano (chasikʼij uwach Mateo 5:24). ¿Jas rajawaxik kabʼano xuqujeʼ ri qachalal che kʼo royowal chawe rech kinimaj ri utaqanik ri Jesús xuqujeʼ kitzukuj ri jororibʼal? Chajuchʼuʼ ri respuesta che are ri utz che kʼo pa kijujunal ri lista.

RI RAJAWAXIK KABʼANO

• Xaq xiw kattzijon rukʼ ri qachalal we kachomaj che kʼo jun rumal che xpe royowal awukʼ.

• Kakʼut chuwach che chanim kpe royowal xuqujeʼ kʼo umak che ri xkʼulmatajik.

• Chatatabʼej rukʼ paciencia are chiʼ ktzijonik, pa neʼ kachʼobʼ ta ronojel. Chataʼ kuybʼal amak rukʼ ronojel awanimaʼ xuqujeʼ chabʼij che, che xa ta xawaj xabʼan kʼax che.

RI RAJAWAXIK KUBʼAN RI QACHALAL

• Kutzijoj chke ri qachalal pa ri congregación ri xabʼan che, rech kkitoʼ.

• Kukʼaq chapalaj ri xkʼulmatajik, kunaʼtasaj ronojel ri jastaq, xuqujeʼ kubʼano che kabʼij che amak.

• Kchoman chrij ri machʼachʼem xuqujeʼ ri ukowil animaʼ che xajwataj chawe chiʼ xatchʼaw rukʼ, xuqujeʼ che xakuy umak rukʼ awanimaʼ.

Pa neʼ kimik kqaya ta tabʼal toqʼobʼ rech kqaya uqʼij ri Dios, ¿jas kjunamataj ri xubʼij ri Jesús che kkʼojiʼ jororibʼal chkixoʼl ri e qachalal xuqujeʼ jun qʼijilanik che kqaj chuwach ri Dios?