¿La at ala o at ali che tajin kapatanij chi ri Dios o kʼa tajin kyaʼ etaʼmanik re ri Biblia chawe? ¿La achomam chi ubʼanik aqasanjaʼ? ¿Jasche rajawaxik kabʼano? Rumal che chiʼ kqajach ri qakʼaslemal y kqabʼan ri qasanjaʼ kumaj ri qachilanik rukʼ ri Jehová y kojkunik kqariq ri kolotajem (Sl 91:1; 1Pe 3:21). ¿Jas rajawaxik kabʼano rech kajach ri akʼaslemal y kabʼan ri aqasanjaʼ?

Qas chakojoʼ che are waʼ ri qastzij. We kʼo jastaq che kachʼobʼ taj, chabʼanaʼ investigar (Ro 12:2). ¿La rajawaxik kakʼex jujun jastaq pa akʼaslemal? Kabʼan wariʼ rumal che kawaj katqaj chuwach ri Jehová (Pr 27:11; Ef 4:23, 24). Chataʼ tobʼanik che ri Jehová y ri areʼ kuya na achuqʼabʼ rukʼ ri ruxlabʼixel (1Pe 5:10, 11). Nim upatan che kakoj achuqʼabʼ, rumal che upatanexik ri Jehová kuya kikotemal chawe (Sl 16:11).

ARE CHIʼ AWILOM CHI RI VIDEO ¿JAS RAJAWAXIK KINBʼANO RECH KINBʼAN NUQASANJAʼ?, CHATZALIJ KIWACH RI PREGUNTAS RIʼ:

• ¿Jas kʼax kiqʼaxem e jujun rech xekunik xkibʼan kiqasanjaʼ?

• ¿Jas katkunik kabʼano rech kʼo ri kojonik che kajwataj chawe rech kajach ri akʼaslemal che ri Jehová?

• ¿Jas e toʼwinaq e kʼi rech kibʼanom kiqasanjaʼ?

• ¿Jas kubʼan Jehová che kitewchixik ri kepatanin che?

• ¿Jas riʼ ri ujachik ri kʼaslemal y ri ubʼanik ri qasanjaʼ?